Vikariya >

Mikaheli Mweranda >

Paruwase Mikaheli Mweranda mu kanyamuneza k'umusi mukuru wa Kristu Umwami

Urwo rugendo rwavuye kuri Paruwase, ruca kuri Avenue de la Mission, rumanukana kuri Boulevard de l'UPRONA, rukatira kuri Chaussée du Peuple Murundi, rudugana kuri Avenue de l'Université, hanyuma rukatira kuri Avenue de la Mission, rugagaruka kw'isegero, rukaba rwamaze hafi isaha, kuko rwarangiye kw'isaha zitanu n'iminota mirongo itanu (11h50), inkuka ya misa na yo ibona gutangura. Umusaseredoti yarongoye iyo misa, mu nsiguro y'ijambo ry'Imana, yisunze ibisomwa vy'uyo musi mukuru. Muri iyo Nkuka ya Misa kandi hari n'abana bato bashika kuri indwi barose ibatisimu, bayisabiwe n'abavyeyi babo. 

  

  Inyuma y'imisa, ibirori vyabandanyirije mu nzu y'imanza ya Paruwase, bikaba vyaranzwe n'intambo, imvyino, ibikino, n'indirimbo birasamirana, higinwa Kristu Umwami akura abandi bami. Amajamo na yo nyene yarahanahanwe ku mpande zose. Jean Claude MANIRAMBONA, umukuru w'imihari n'imigwi y'ubutumwa, ni we yahaye ikaze abatumire bose bari bitavye urwo rubanza. Abandi bagiye barafata amajambo, nka bose bagaruka ku gahimbare k'umusi Mukuru wa Kristu Umwami. 

Urubanza rwasozerewe mu kanyamuneza ntangere k'umuvukano waranze abari barwitavye. Basozereye bagabana umuhezagiro w'umusaserdoti Prosper BIGIRIMANA, asanze ajejwe imihari n'imigwi y'uburumwa muri Paruwase Mikaheli Mweranda. 

Mu mumugwi umwe

Aleluya. Kristu yarazutse; umuco wiwe waratuboneshereje, twebwe yacunguje atnaraso yiwe. Aleluya.

Ivyo dusoma mu Nkuru Nziza ya Yezu Kristu nk’uko yashikirijwe na Yohani (6, 52-59)

Muri irya misi,

Abayuda baja mu gaharira, bavuga bati: «Uwo ashobora ate kuduha umubiri wiwe ngo tuwufungure?» Yezu arababwira rero ati: «Ni ukuri ni ukuri ndabibabwiye: mudafunguye umubiri w’Umwana w’umuntu, ntimunywe n’amaraso yiwe, nta buzima muzogira. Uwufungura umubiri wanje akanywa n’amaraso yanje, arafise ubuzima budahera. Nanje rero nzomuzura ku musi w’imperuka. Na none umubiri wanje ni imfungurwa y’ukuri, amaraso yanje na yo ni inyobwa y’ukuri. Uwufungura umubiri wanje akanywa n’amaraso yanje, aba muri jewe, nanje nkaba muri we. Nk’uko Data Nyenubuzima yantumye ari we ambeshaho, ni ko n’uwumfunguye ndamuha ubuzima. Uyo rero ni wo mukate wamanutse uva mw’ijuru. Ntumeze nk’umwe basokuru banyu bafunguye, hanyuma bagapfa. Uwuzofungura uyo mukate azoramba mu myaka yose.»

Ivyo Yezu yabivuze yigishiriza mw’isinagoga i Kafaranawumi.