Ibisata >

Amashure Gatolika >

Ishule ryitiriwe «Mutima-Mweranda» (Lycée du Saint-Esprit) ryaragendeye ishule ry'Umuryango mweranda (Sainte Famille) ryo mu Kinama

Uwuyoboye Lycée Sainte Famille, Alexis NIYONZIMA, yavuze ko abo bashitsi bari baje mu rwego rw'ugusubiza mu ndumane, kuko na bo bigeze kubagendera. Abanyeshure bo kuri ayo mashure uko ari abiri, na bo nyene baragize ico bavuga kuri urwo rugendo. Sabrina Ishimwe ni umwe mu banyeshure b'abashitsi; nk'uko yabitumenyesheje, kuri we ngo urwo rugendo rwamuhaye akaryo k'ukumenya Kinama, kuko ngo yahora ahumva gusa havugwa, none akaba yarahishikiye. Icamuhimbaye cane ngo kwabaye ukubonana n'urwaruka rwiga aho mu Kinama, kuko ngo muri ukwo kugiriranira ubucuti n'abanyeshule bo ku yandi mashule, iruhande y'ukumenyana, baheza bakanamenya n'uko abandi babayeho mu buzima bwishule.   

Mu mumugwi umwe

Aleluya. Kristu yarazutse; umuco wiwe waratuboneshereje, twebwe yacunguje atnaraso yiwe. Aleluya.

Ivyo dusoma mu Nkuru Nziza ya Yezu Kristu nk’uko yashikirijwe na Yohani (6, 52-59)

Muri irya misi,

Abayuda baja mu gaharira, bavuga bati: «Uwo ashobora ate kuduha umubiri wiwe ngo tuwufungure?» Yezu arababwira rero ati: «Ni ukuri ni ukuri ndabibabwiye: mudafunguye umubiri w’Umwana w’umuntu, ntimunywe n’amaraso yiwe, nta buzima muzogira. Uwufungura umubiri wanje akanywa n’amaraso yanje, arafise ubuzima budahera. Nanje rero nzomuzura ku musi w’imperuka. Na none umubiri wanje ni imfungurwa y’ukuri, amaraso yanje na yo ni inyobwa y’ukuri. Uwufungura umubiri wanje akanywa n’amaraso yanje, aba muri jewe, nanje nkaba muri we. Nk’uko Data Nyenubuzima yantumye ari we ambeshaho, ni ko n’uwumfunguye ndamuha ubuzima. Uyo rero ni wo mukate wamanutse uva mw’ijuru. Ntumeze nk’umwe basokuru banyu bafunguye, hanyuma bagapfa. Uwuzofungura uyo mukate azoramba mu myaka yose.»

Ivyo Yezu yabivuze yigishiriza mw’isinagoga i Kafaranawumi.