ISHAPULE Y'AMAGORWA INDWI YA BIKIRA MARIYA

Bikira Mariya aherez'Imana imfura yiwe nkuko vyari vyaranditwe, maze Mutima Mweranda, avugisha wa mutama Siméo, amubwira ko inkota izosogota umushaha wiwe, Bikira Mariya yar'aziko yavyaye incungu y'abantu, aca aravyumva ningoga kandi neza, bimwinjiramwo wese,  mbere Iyo nkota ishika no mu mutima, imugora igihe cose, kuko y'ar'azi ivyari vyanditswe k'Umucunguzi, vyerekeye ububabare n'urupfu rwiwe, Uko yaraba Yezu kwose, yaca yibuka bubabare bwiwe bwose, nkuko natwe tubizi.

Dawe wa twese (1)

Mwaramutse Mariya (7)

We Mariya mawe mwiza, utwibuts'iminsi yose, amagorwa  ya Yezu.

Bikira Mariya yarababaye cane, igihe Yozefu amubwiriye amajambo y'Umumalayika, ko bovyuka ningoga, bagahungisha umwana kuko Herodi ashaka kumwica, Turabe ingene Bikira Mariya abura ico afata n'ico areka, maze agaheka Yezu, Vyose akabita, agatanga Yozefu gushika hanze, ngo bihute nkuko Imana Ibishaka, ATI: ? Naho Imana ishobora vyose, ishatse ko duhungisha Umwa wayo n'uwacu, duhunge ningoga, tuje mu Misiri, Umwana w'Imana, aratwereka inzira, tuzoshikayo, tudafashwe n'abansi ? 

Kuko Bikira Mariya, ar'umuvyeyi arusha bose umutima w'urukundo rwinshi , ata wundi yorugira ku Mwana wiwe, Niho yababaye cane mur'iryo hunga, n'akayoya gatetemera n'imbeho y'igicugu, kugasozi, umuruho, itiro vyari Vyabarembeje, biyumvira Yezu gusa, batinya guhura n'abansi b'umwana, mugihe cose bari bakiri Ibetlehemu, imbabaro y'iryo hunga yabaye nyinshi kandi ikomeye, har'iy'imbere mu mutima, kubera umwana wabo bakunda, agahirwa n'abansi, har'iyi nzara nimbeho, bakamenyako,n'iyo bahungiye ata ncuti basangayo,  

Dawe wa twese (1)                                                                                        Mwaramutse Mariya (7)                                                                            

We Mariya mawe mwiza, utwibuts'iminsi yose amagorwa ya Yezu.

Yezu yar'Umwana w'Imana, akaba rwose Umwana wa Bikira Mariya, akaba kandi umwana w'ikinege. Bikira Mariya yar'azi icubahiro gikwiye Imana, we yatewe iteka kuruta ibindi biremwa, akaronka urukundo rutagereranywa, rusumba n'urw'abandi bavyeyi bakunda abana babo.Bikira Mariya yarakunda Yezu gusumba ubuzima bwiwe, kuko yar'Imana yiwe, 

akaba umwana mwiza kuruta bose, nkuko yamyeho kubu Mana. Igihe Bikira Mariya amubuze, isi yaciye Imwagira, abonako atoyibako bitarikumwe na Yezu, Yezu we Mana yiwe, yari yaramunyuze muri vyose, atigera amubabaza, kandi atashobora  kugira akantu na gatoyi kababaza umuvyeyi, uko yamurondera akamubura, niko intuntu yongerekana mu mutima, yibaza, akongera akigaya icatumye atamwigendezako. Yamara ntivyava kuri we, Yezu ntiyaragikeneye uwundi bigendana, icababaza, Bikira Mariya, ni uko atamenya icatumye Yezu yisigaza inyuma, ataco ababwiye, akamenya yuko umwana wiwe akora ibikenewe, ntiyamuketseko ubugaba

Ubwo bubabare bwa Bikira Mariya, ni kimwe n'ubwo yababaye, igihe bahamvye Umwana wiwe.

Dawe wa twese (1)                                                                                        Mwaramutse Mariya (7)                                                                         

We Mariya mawe mwiza, utwibuts'iminsi yose, amagorwa ya Yezu.  

Bikira mariya ahura na yezu atwaye umusalaba aja kubambwako.                      Raba Bikira Mariya Yohani aza kumubwira inkuru y'ubanza rwa Yezu, ko bagiye kumubambira ku Kalvariyo, kandi yitwariye, umusalaba aja kubambwako. Ntivyatangaje Bikira Mariya,  yar'asanzwe azi ivy'upfu rwa Yezu vyose kuva akivuka yamara uko Ububabare bwegereza igihe cabwo, niko yababarana na Yezu, yanogejwe n'amahiri,  asigaye ameze nk'ikiziga, ahutagizwa, atwaye umusalaba hamwe na Simoni, Uko abasirikare bamuhutagiza, uko arwa atagishobora kwivyura, bompi bararabana, imitima yabo, igasa n'iyifatanya uwo mutwaro, kubiboneka, ntakindi bashobora, atari ukwizigira Imana bompi , no kuyitura ubwo bubabare.

Dawe wa twese (1)                                                                                        Mwaramutse Mariya (7)                                                                

We Mariya mawe mwiza, utwibuts'iminsi yose amagorwa ya Yezu.

Bikira Mariya yababaye ivyo gupfa Yezu abambwa, gushika apfe bashire ikiziga mu maboko yiwe, Bikira Mariya, ahuye na Yezu, Barakomeje baradugana mu murima wa Oriveti, ari inyuma yiwe, araba ingene agenda aradandabagirana , arwana n'umusalaba, akubitwa ngo avyuke mukumuvyura  bamushikura imishatsi.

Bageze ku Kalvariyo, bamutegeka kwigaya, imbere y'aba Mushengereye, bishimiye ko igihugu kimubona kikamutwenga.Vyose Bikira Mariya yavyiyumvamwo cane

nka Yezu.  Akababara ku mutima mukuraba abo bagome, bashaka ku mukoreza umwana isoni no mu kumubamba ari gusa. Yezu na Mariya, barumva isoni kuturusha kuko ari abaziranenge. Bikira Mariya arababara cane bitavurwa, igihe Yezu aryamye ku musalaba, abicanyi bishongora, bamwegera n'imisumari n'inyundo, Batangura kwicara kuri Yezu, ngo ntiyinyiganyize ngo bahushe  mugushinga imisumari mu biganza vyompi. Bikira Mariya yavyumvira mu mutima, Bashimangira imisumari n'inyundo, akumva ariwe amagara ayonga, barakomeza barashinga umusalaba mu cobo bawimbiye, uko wanyiganyiga, ni ko imigera yashimangira mu mubiri kubera uburemere bw'ikiziga. Amara amasaha atatu amez'artyo; kandi ababazwa na nyina yishwe n'ububabare butavugwa, Yezu arapfa, bareresha Bikira Mariya ikiziga ciwe.

Dawe wa twese (1)                                                                                        Mwaramutse Mariya (7)                                                                           

We Mariya Mwawe mwiza utwibuts'imisi yose amagorwa ya Yezu 

Abakunzi ba Yezu, Yozefu na Nikodemu, babambura ikiziga ku musalaba, baracoza, Bikira  Mariya, abikorana icubahiro n'urukundo kurusha  abandi we yari nyina, akanabarusha kumenya ko  ar'Imana yigize incungu y'ababisha. Akaraba   inguma ziteye ubwoba zatewe n'inkoni yakubitiwe Kwa Pilato, zatonaguye umubiri gushika naho urusato ruvako, ahenshi inyama zitendera, asanga mbere n'ibikomere vy'imisumari bitaruta ivyo yari yaronkeye Kwa Pilato, yavyikoreyeko Umusalaba. Umuvyeyi mwiza bimutera akoba, yibaza uko yashoboye kubihekerako umusalaba. Araba ibikomere vyiwe vyose n'ivyo mu mutwe, vyatoboye mu bwonko, asanga Yezu we bamwishe kurusha Umumenja,  amuravye, aca yibuka vyinshi kuri we, kuva mu bwana kugeza ico gihe. Ariko Arakomeza bwa bu maratiri, we Mwamikazi w'abamaratiri, ntiyahengeshanya guhereza umwana wiwe yabaye incungu y'abantu, asabira bose ubukiriro bw'Ijuru, kuyoboka Imana, Gushitse ngo urupfu rubi rwa Yezu, rwoye kubapfako ubusa,Bikira Mariya, yaradusabiye twese.                     

Dawe wa twese (1)                                                                                        Mwaramutse Mwariya (7)                                                                          

We Mariya mawe mwiza utwibuts'iminsi yose, agorwa ya Yezu.

Uw'abeshejeho Mariya ni Yezu, kubw'iwe nawe,yabona ko akwiye gupfa bikarangira; arikoyaramuhamvye, amusiga mumva nk'abandi bose, maze, atahana intimba nini cane, apfa ku  mutima hamwe na Yezu , ariko yizeye ko  azozuka bidatevye.

Muvyeyi Urut'abandi, dusanze uri nyina w'ikigongwe, Muvyeyi uvyay'Imana kandi uvyay'abantu, tukwizeye tudakekereza Mawe mwiza, twigishe kubona Imana mu bintu vyose iyo biva bikagera, ibibabaza tubiyibonemwo, twumve neza akamaro kavyo, twumve rwose iherezo ryavyo nkuko Imana yabiteguye.

                                                                                                                  Wewe ntiwasamanywe icaha, ntiwigeze akanenge, kandi ubabara ibiruta ivy'abandi Bantu, uvyemerana urukundo rungana n'ubutwari bwinshi, ata n'umwe yabwigeze. Wahagaze kuva Yezu agifatwa, gushika aho apfa ugihagaze mu ntimba yari ikwuzuye Umutima. Wababaye ivyo wagenewe, birushirizaho kuko wabaye Umukiza hamwe na Yezu.

Dawe wa twese(1)                                                                                        Mwaramutse (7)                                                                                    

We Mariya mawe mwiza utwibuts'iminsi yose, agorwa ya Yezu.

N.B:  Iyo bahejeje bavuga:

        Dawe wa  twese (3) 

        Mwaramutse  Mariya (3)

DUSABE : 

Mushaha wa Mariya wababaye kandi  wasamwe ata gicumuro, dusabire twebwe  tukwirukira Muvyeyi w'ikigongwe (3). 

Kw'izina rya Data, n'irya Mwana,  ni'rya Mutima Mweranda, Amen.

Mu mumugwi umwe

Aleluya. Kristu yarazutse; umuco wiwe waratuboneshereje, twebwe yacunguje atnaraso yiwe. Aleluya.

Ivyo dusoma mu Nkuru Nziza ya Yezu Kristu nk’uko yashikirijwe na Yohani (6, 52-59)

Muri irya misi,

Abayuda baja mu gaharira, bavuga bati: «Uwo ashobora ate kuduha umubiri wiwe ngo tuwufungure?» Yezu arababwira rero ati: «Ni ukuri ni ukuri ndabibabwiye: mudafunguye umubiri w’Umwana w’umuntu, ntimunywe n’amaraso yiwe, nta buzima muzogira. Uwufungura umubiri wanje akanywa n’amaraso yanje, arafise ubuzima budahera. Nanje rero nzomuzura ku musi w’imperuka. Na none umubiri wanje ni imfungurwa y’ukuri, amaraso yanje na yo ni inyobwa y’ukuri. Uwufungura umubiri wanje akanywa n’amaraso yanje, aba muri jewe, nanje nkaba muri we. Nk’uko Data Nyenubuzima yantumye ari we ambeshaho, ni ko n’uwumfunguye ndamuha ubuzima. Uyo rero ni wo mukate wamanutse uva mw’ijuru. Ntumeze nk’umwe basokuru banyu bafunguye, hanyuma bagapfa. Uwuzofungura uyo mukate azoramba mu myaka yose.»

Ivyo Yezu yabivuze yigishiriza mw’isinagoga i Kafaranawumi.