Liturujiya >

Inyigisho >

Ukwigana Yezu Kristu-Ikigabane ca 1: Ingingo zitunganye z'ugutera imbere mu bweranda

2. Ukugira umutima wa yezu n'ukuvuga iki?

Inyigisho ya yezu kristu irasumba rwose inyigisho zose z'aberanda ;nayo uwaba afise umutima wiwe yoba yubuye iteke ryinyegejemwo .Mbona data hari benshi bahora bumviriza Inkuru nziza ntibanyurwe ,n'uko babuze umutima wa kristu .Ariko ,uwushaka kwumva neza n'ukwumviriza uburyohe bw"amajambo ya kristu arategerezwa kugira umwete w'ukumwigana mi buzima bwiwe bwose.

Ukugaragaza amajambo ahambaye yerekeye ubutatu bweranda ,bikumariye iki ,iyo utazi kwifata rworo ,bigutuma mbere uba uriko urashavuza nya butatu bweranda ?Mu vy'ukuri ,amajambo ahambayesiyo atauma umuntu aba intunga n'umweranda ,ariko imigenzo myeranda niyo imukundanisha n'Imana . Ico nipfuza ni ukwiyumvamwo agatima k'ukwigaya ,hakumenya gusigura ivy'ukwigaya nyene.

Mbe bane umenya ibiri mu bwuzure vyose n'ivyavuzwe n'agahinga vyose ,hanyuma ukabura inema n'urukundo rw'Imana ,vyokumarira iki? «Vyose ni ivy'ubusa ,ntaco bimaze »(Ubwit.1,2),kiretse gukunda Imana ,n'ukuyikorera yonyene .Ubwenge busumba ubundi n'ubwo bugana ijuru mu guhinyura iyi si .

4. Ubusa bw'ibintu bishira umwamya

Kukaba nkako ,n'ubusa gusa ,kigira umwina w'itunga riraririye guhona ,n'ukuryizigira ryonyene .Nubusa gusa ,guhahamira ininahazwa ry'isin'ukwikuririza mu bibanza vy'imbere .N'ubusa gusa ,gukurikiza inambu y'umubiri n'uguhama ibizokubera hanyuma akaziri. N'ubusa gusa ,kuririra kuramba, ubweranda nab wo ukabufata minenerwe .N'ubusa gusa ,kubabara uburamuko ntubabare gutegeniriza ibizobukurikiza .N'ubusa gusa, kugira umwina w'ibishira umwanya ntiwihutire gushikira ijuru aho akanyamuneza kazokwamaho imyaka yose .

5. Urukundo rw'ivyiza bitaboneka

Urama wibuka kenshi uyu mugani w'umuntu umwe w'umwitonzi,ngo :«ijisho ntirihazwa nico ribona ,nay o amatwi yumva vyinshi ntazibe» (Ubwit.1,8).Shishikara rero gukura umutima wawe ku rukundo rw'ibihenda amaso n'ukuwushira ku bitaboneka. Nkako, abakurikiza inambu y'umubiri barasinzikaza umutima kandi baratakaza inema y'Imana. 

Mu mumugwi umwe

Aleluya. Yezu Kristu, Wewe cabona c’intahemuka, ari Wewe mfura y’abazuka mu bapfuye, uradukunda ukadukiza ibicumuro mu maraso yawe. Aleluya.

Ivyo dusoma mu Nkuru Nziza ya Yezu Kristu nk’uko yashikirijwe na Yohani (6, 60-69)

Muri irya misi,

Bumvise aya majambo Yezu yavuze ati: «Uwurya umubiri wanje akanywa n’amaraso yanje arafise ubuzima budahera.», benshi mu bigishwa biwe bavuga bati: «lyo mvugo iratugumiye, ni nde yoyemera?» Yezu yamara aca aramenya mu mutima wiwe ko abigishwa biwe bavyidogera, arababwira ati: «Ivyo birabatirimutsa? Hari akantu nimwabona Umwana w’umuntu aduze iyo ahora… Umutima ni wo ubeshaho, umubiri nta co umara. Amajambo nababwiye ni umutima n’ubuzima. Yamara muri mwebwe, harimwo bamwe batemera.» Na none Yezu kuva mu ntango yari azi abatemera n’uwari kumugusrisha. Arongera ati: «Ni co gituma ndababwiye ko ata woza iwanje, Data atabimuhaye.» Kuva ubwo, benshi mu bigishwa biwe baciye biyonjorora, ntibaba bakimugendanira.

Yezu rero abwira bamwe cumi na babiri ati: «Namwe, mushaka kwigira?» Simoni Petero aramwishura ati: «Mukama, turi bwirukire nde wundi? Ko ari wewe ufise amajambo y’ubuzima budahera. Tweho twaremeye kandi turazi ko uri Umweranda w’Imana.»