Paruwase Mutima w'Ubwitonzi yo ku Mutanga, bita kwa «Patiri Ntabona» yaraye ishikirijwe Patiri mukuru mushasha, Patiri Dieudonné Niyibizi
Itariki: 20/10/2020Ababisomye 8995 Vyamenyekanishijwe na : NIBITANGA Michel
Mw'ijambo ry'intangamarara, Nyenicubahiro Musenyeri Gerevazi Bashimiyubusa, yabanje gusigurira abanyamuryango b'iyo Paruwase aho akura agahimbare k'ukubona ari we yashimye kubashikiriza
Ibirori vy'agahimbare ni vyo vyaranze Paruwase Mutima w'Ubwitonzi yo ku Mutanga, bita kwa «Patiri Ntabona», ku wa Mungu igenekerezo rya 18 Gitugutu muri uyu mwaka. Kuri uwo musi, abakristu bo muri iyo Paruwase bari baramukanye akanyamuneza k'ukwigina ugushikirizwa icese uwundi musaserdoti agiye kuyobora iyo paruwase yabo nka Patiri mukuru mushasha, Patiri Patiri Dieudonné Niyibizi, ngo asubirire Musenyeri Jean Louis Nahimana yahora ayirongoye.

Ivyo birori vyabereye mu Nkuka y'imisa yari irongowe na Nyenicubahiro Musenyeri Gerevazi Bashimiyubusa, Umwepiskopi mukuru wa Diyoseze Nkuru ya Bujumbura, ari kumwe n'Umwepiskopi w'inararibonye w'iyo Diyoseze, Nyenicubahiro Musenyeri Evariste Ngoyagoye, na Patiri Félix Fupi, icariho c'Umwepiskopi mu ntara y'ubutumwa yitiriwe Mikaheli mweranda, n'abandi basaserdoti b'iyo ntara y'ubutumwa.

Ni mu birori vyaja biraherekezwa n'indirimbo z'itorwa n'iz'ubusaserdoti, abakristu bo muri Paruwase Mutima w'Ubwitonzi yo ku Mutanga barorera, bigina, bongera batamarira ivyiza Umukama yariko abagirira mu kubashikiriza Patiri Dieudonné Niyibizi, yari aramutse ashikirizwa icese intebe y'ubukuru bw'iyo paruwase, ku muhezagiro wa Nyenicubahiro Musenyeri Gerevazi Bashimiyubusa.

Mw'ijambo ry'intangamarara, Musenyeri Gerevazi Bashimiyubusa, imbere y'uko amenyesha Patiri Dieudonné Niyibizi ubutumwa ashinzwe muri Paruwase Mutima w'Ubwitonzi, yabanje gusigurira abanyamuryango b'iyo Paruwase aho akura agahimbare k'ukubona ari we yashimye kubashikiriza, n'ubwo azirikana ko n'ubundi butumwa bwinshi asanganywe, nka bwose buremereye.

«Kuri uyu musi ni ho, muri iyi paruwase, mwashimye ko twobashikiriza patiri mukuru mushasha; ndahimbawe no kuba nashoboye gushika ngaha kugira ngo ndamubashikirize», ni ko Umwepiskopi Mukuru yatanguye avuga. Aca amenyesha abakristu b'iyo paruwase ko umusaserdoti yabatoreye ari mwiza, kandi akerebutse, haba mu vy'umutima canke mu vy'umubiri. «Uyu musaserdoti, Patiri Dieudonné Niyibizi, jewe noshobora kubabwira ko ari umusaserdoti nyawe!» ni ko yabandanije amutazira. 

Yaciye agirako amenyesha Patiri Dieudonné Niyibizi ubutumwa butatu uwo musaserdoti ashinzwe muri Paruwase Mutima w'Ubwitonzi, akaja imbere y'abandi bose mu gutunganya neza ubwo butumwa, ku buryo abasaserdoti bose babana, abihebeye Imana n'abandi bakristu balayike bakorana babangukirwa mu kuburangura, kugira ngo abakristu bose batunganirwe. Ubwo butumwa ngo ni ukwigisha, ugutagatifuza n'ukuyobora igihugu c'Imana, akaba icariho ruberera c'Umwepiskopi muri paruwase ashinzwe, kuko ngo Umwepiskopi bitokunda ko aba mu maparuwase yose ica rimwe.

Araheza rero Patiri Dieudonné Niyibizi araca kuri ya migirwa yose y'ugushikirizwa Paruwase. Umwepiskopi mukuru, amaze gutangaza icese ko amuragije iyo Paruwase, mbere akanamwicarika ku ntebe y'ubukuru, akanamushikiriza n'imfunguzo z'isengero n'iz'itabernakulo, Patiri mukuru mushasha, n'ubwitonzi bwinshi n'ubugamburutsi, yahavuye ashikiriza ijambo ry'ukugaragaza agahimbare iryo teka atewe rimuzaniye. 

Yatanguye ashimira Umwepiskopi, yongera amumenyesha ko ubutumwa abugamburutse. Yagize ati: «Numva mfise akanyamuneza kadasanzwe kuri uyu musi ndamutse nterwa iteka ry'ugushikirizwa ubwa mbere amabanga y'ukuyobora paruwase, ikaba na yo ari ino paruwase Mutima w'Ubwitonzi!» Yamenyesheje ko ari iteka kuri we no kuri Paruwase, kandi ko ari ibanga n'ubutumwa. Maze araheza amenyesha ko yemeye ubwo butumwa, kandi ko yizigiye ingabirano z'Umukama, cane cane ingabirano y'ubwenge n'ubwitonzi.

Patiri Dieudonné Niyibizi yaragize n'ico yibwirira igihugu c'Imana yari ahejeje kuragizwa. Abanje kumenyesha ko ashinzwe ayo mabanga mu paruwase yimiriye kwinjira mu mwaka wa yubile y'imyaka 25 igira imare ishinzwe, yamenyesheje ko agiye kwicarana n'abo basangiye ubutumwa bose, bigire hamwe ukuntu bokwinagura, bari kumwe n'abasaserdoti basangiye ibanga n'ubutumwa.

Bisunze intererano z'abagize inama mpanuzwajambo za paruwase, n'iyubutunzi, n'indinganizo y'ubutumwa ya Diyoseze, ngo bazonagura kandi n'ubutumwa mu mibano mito mito rukristu, bongere bakomeze ubutumwa mu mihari n'imigwi. Ngo bazokomeza ukwemera bishimikije ijambo ry'Imana, gutyo ngo bashobore kwubaka umuryango umwe wa paruwase mu budasa bwabo. Na co ikibanza gito paruwase ifise, ngo bazorabira hamwe ingene bogikoresha neza gusumba, kugira ngo ubutumwa bukomere. Akaba ariko yamenyesheje ko ubutumwa aronse buzogenda neza ari uko ashigikiwe n'abakristu bose ba paruwase.

Ico gihugu c'Imana nyene na co nticatanzwe kumwigina no kugaragaza ko kimwishimiye. Mw'ijambo ryashikirijwe n'umukuru w'inama nkuru ya Paruwase, Umushingantahe Pierre Claver Nduwimana, amaze kumuha ikaze, yasavye abakristu basangiye umuryango ko bomuyoboka, maze bagatezanya imbere bose, haba mu vy'Imana no mu vy'umubiri.

Mu gihe abanyeshure biga muri Kaminuza y'Uburundi bagize umugwi munini w'abakrist basengera muri iyo paruwase Mutima w'Ubwitonzi, kuko iryo shure riba mu karere iyo paruwase iranguriramwo ubutumwa, ariko kandi iryo shure rikaba rizwi ko ryakira abanyeshure bagwiriyemwo abaza bazananye mu ntara zose z'igihugu c'Uburundi, vyumvikana ko abasengera muri iyo Paruwase ariko bavuka mu zindi paruwase z'irya n'ino mu gihugu ari bo benshi, twarayaze na bo, maze baragira ico bavuga kw'ishikirizwa ry'uwo patiri mukuru mushasha w'iyo paruwase ibareze vy'imfatakibanza.

Abo banyeshure, bamaze kwumva ko uwo musaserdoti, mu butumwa ajejwe muri Diyoseze hasanzwe harimwo n'ubw'ubwibutsamana mu mugwi w'abakristu bagizwe n'indongozi z'igihugu ku rwego rwo hejuru, abakozi ba Leta n'abikorera utwabo, nk'abitegurira kuzinjira muri uwo mugwi muri kazoza, na bo nyene baragize ico bamwisabiye, ko yobegera cane, agakabura muri bo agatima ko gusubira kuvyura akariro k'ugukunda ivy'Imana. Ivyo babivuze bisunze ivyo babona aho babaye, ko ngo hariho abanyeshure benshi usanga bitwaza ko umwanya wabo ubabana muto kubera ivyigwa, maze ngo bakitwaza ukwiyibutsa, bagahororokerwa cane mu vy'amasabamana.

Jérôme Ndayishimiye, umuririmbiramana, ni umwe muri abo banyeshure basengera kuri iyo paruwase Mutima w'Ubwitonzi, ariko avuka muri paruwase Gikomero, Diyoseze Ngozi, mu ntara ya Muyinga, ubu akaba yiga muri Kaminuza y'Uburundi, i Bujumbura, aho amaze amezi icenda.

Yavuze ati: «Turamuhaye ikaze, naze, aroranirwe!» Yasavye ko yokworohereza abanyeshure bashaka kwinjira mu butumwa, ariko baburangurira mu bigo vy'ishure, bwaba ubw'imihari n'iyindi migwi y'ubutumwa. Yaranavugiye mbere n'abashaka gusubira mu masakramentu, ko bokworoherezwa mu gihe boza bamwitura.

Abatari bake mu basanzwe bazi Paruwase Mutima w'Ubwitonzi yo ku Mutanga, bayimenyera ku ruhara rwayo rw'ukunagura mu vy'umutima abanyamuryango b'iyo Paruwase, bagwiriyemwo abanyeshure bo muri Kaminuza y'Uburundi ifise icicaro mu gisagara ca Bujumbura, be n'abanyagihugu bo mu duce twa Karitiye Mutanga, n'abo ku mitumba ya Sororezo na Mugoboka.

Iyo Paruwase bakaba mbere baranayitaziriye kwa «Patiri Ntabona», umwe mu basaserdoti bigeze kuyiragizwa, yamenyekanye cane mu vy'ugufasha abanyeshure baba ku Mutanga kuko asanzwe ari n'umwigisha kuri iyo Kaminuza, vyumvikana ko yamye abafasha vy'umwihariko mu kubaha ubumenyi, butari ubwo kw'ishure gusa, kuko yagaruka akanabaha n'ubwo mu vy'Imana.

Na we Patiri Patiri Dieudonné Niyibizi rero aragijwe iyo paruwase muri iki gihe, aje ari Patiri mukuru agira uwa kane ayirongoye, inyuma y'uwo patiri Adrien Ntabona, patiri Leon Nizigama, na Musenyeri Jean Louis Nahimana yari ahamaze umwaka umwe. Uwo patiri mukuru mushasha, n'ubwo ari ubwa mbere abaye Patiri mukuru w'iparuwese kuva yatiwe mu busaserdoti, haraheze imyaka 12, ivy'ubutumwa bw'ubuyobozi arabimenyereye.

Tubamenyeshe ko Patiri Patiri Dieudonné Niyibizi asanzwe ajejwe n'ubundi butumwa bwinshi nk'umuyobozi, harimwo ubw'ubw'ukumenyesha amakuru yose ya Diyoseze Nkuru ya Bujumbura mu kigo CEDICOM, akaba ari na we kandi ayoboye n'ishirahamwe UCI rihurikiyemwo abasaserdoti bose bakukira iyo Diyoseze. Mbere n'abakristu batari bake twayaze baremeza ko mu misi mike gusa bamaranye, kuva yinjiye mu mubano w'abasaserdoti b'iyo paruwase, ku wa 27 Myandagaro 2020, bamaze kumubonako ingabirano zidasanzwe. Nka bose barikugura ubukerebutsi n'ubwenge akoresha mu kurangura ubutumwa, ibibaha icizere ko imbere ari heza. 

Nk'uwuyoboye kandi n'Ubwibutsamana bw'indongozi z'igihugu ku rwego rwo hejuru, abakozi ba Leta n'abikorera utwabo, abagwizatunga n'incabwenge zirangurira ibikorwa mu karere Diyoseze iranguriramwo ubutumwa, abakristu b'iyo Paruwase ashinzwe, na cane cane abo banyeshure bo kuri kaminuza, bakaba bamwitezeko ko agiye kubanagura vy'umwihariko mu rugendo rwabo rw'ugutagatifuzwa.

Michel Nibitanga, CEDICOM 
Ivyiyumviro

Urakaninahazwa, Kristu, wewe Muco wamaho w’Imana nzima. Ku bwacu twese, Yezu Kristu yarigize umugamburutsi gushika yemere urupfu, kandi urupfu rwo ku musaraba. Ni co catumye Imana imushira hejuru ya vyose, ikamugabira Izina rirengeye amazina yose. Urakaninahazwa, Kristu, wewe Muco wamaho w’Imana nzima.

Ukubabara kw’Umukama wacu Yezu Kristu kwashikirijwe na Yohani (18, 1-19, 42)

Yezu mw’itongo ryo hakurya ya Kedroni

S: Bahejeje gufungura, Yezu ajana n’abigishwa biwe hakurya y’umugezi witwa Kedroni;

hari umurima, aba ari ho yinjira n’abigishwa biwe.

Yuda wa muhemu yari azi neza aho hantu,

kuko Yezu yahora ahaja kenshi n’abigishwa biwe.

 

Yuda rero azanye umugwi w’abasirikare n’abarinzi

barungitswe n’abaherezankuka bakuru be n’Abafarizayo,

arashika n’amatara n’ibimuri n’ibirwanisho.

Yezu rero yari azi ibiza kumushikira vyose;

arabasanganira, ababwira ati:

Y:  «Murondera nde?»

S: Bamwishura bati:

Ab: «Yezu w’i Nazareti.»

S: Ababwira ati:

Y: «Ni Jewe.»

S:  Yuda wa muhemu yari kumwe na bo.

Aho Yezu ababwiriye rero ati: «Ni Jewe»,

Basogeza baja inyuma bagwa hasi.

Yezu asubira kubabaza ati:

Y: «Murondera nde?»

S: Bishura bati:

Ab: «Yezu w’i Nazareti.»

S: Yezu abishura ati:

Y: «Nababwiye ko ari Jewe.

Usangwa ari Je murondera, reke abo bigire.»

S: Uko niko ijambo yavuze ryarangutse, ngo:

«Sinatakaje n’umwe mu bo wampaye.»

 

Simoni Petero yari afise inkota;

arayisokorora, ayikubita umusuku w’umuherezankuka mukuru,

amuca ugutwi kw’iburyo.

Uwo musuku yitwa Malikusi.

Yezu yamara abwira Petero ati:

Y: «Subiza inkota mu rwubati.

Bite! Ndeke kunywa ikalisi Data yampaye!»

S: Wa mugwi w’abasirikare, uwuwurongoye n’abarinzi b’Abayuda

Bafata Yezu baramuboha.

 

Yezu kwa Hana na Kayifa

 

Babanza kumujana kwa Hana,

ari we sebukwe wa Kayifa,

yari umuherezankuka mukuru uyo mwaka.

Kayifa ni umwe yari yahanuye Abayuda ati:

«Vyobabera vyo umuntu umwe apfiriye igihugu.»

 

Simoni Petero n’uwundi mwigishwa barakurikira Yezu.

Uwo mwigishwa  umuherezankuka mukuru yari amuzi,

yinjirana rero na Yezu mu ngoro y’umuherezankuka mukuru,

Petero we asigara hanze hambavu y’irembo.

Wa mwigishwa umuherezankuka mukuru yari azi, arasohoka,

avugana n’incoreke yarinda irembo, yinjiza Petero.

Iyo ncoreke yarinda irembo ibwira Petero iti:

Ab: «Aho uri aho,

weho nturi mu bigishwa b’uwo muntu?»

S: Ayishura ati:

Ab: «Sindi muri bo.»

S: Abasuku n’abarinzi bari bacanye umuriro, kuko hari imbeho,

bari aho bota.

Petero na we yari kumwe na bo yota.

 

Umuherezankuka mukuru arabaza Yezu

Ibirora ku bigishwa biwe no ku nyigisho ziwe.

Yezu amwishura ati:

Y: « Nǐgishije abantu icese;

nǎmye nigishiriza mu masinagoga no mu gisengero,

aho Abayuda bakoraniye;

nta co navugiye mu mpisho.

Umbariza iki?

Baza abavyumvise; ico navuze bo barakizi.»

S: Ngo avuge iryo,

umwe mu barinzi bari aho, akubita urushi Yezu, ati:

Ab: «Uko ni ko wishura umuherezankuka mukuru!»

S: Yezu amwishura ati:

Y: «Ninaba mvuze nabi, erekana ikibi aho kiri;

na ho ninaba mvuze ukuri, unkubitiye iki?»

S: Hana amurungika uko yakaboshwe

ku muherezankuka mukuru Kayifa.

Simoni Petero we yari akiri aho yota umucanwa.

Bamubwira bati:

Ab: «Weho ntiwoba uri uwo mu bigishwa biwe?»

S: Arabihakana ati:

Ab: «Sindi muri bo.»

S: Umwe mu basuku b’umuherezankuka mukuru,

incuti y’uwo Petero yari yaciye ugutwi,

Amubwira ati:

Ab: «Sinakubonye muri kumwe mw’itongo?»

S: Petero yamara asubira kubihakana,

ubwo nyene inkoko irabika.

 

Yezu kwa Pilato

 

Bavana rero Yezu kwa Kayifa, bamujana mw’iburaniro.

Hari mu gitondo.

Ariko bo ntibinjra mw’iburaniro ku kwanka guhumana,

ngo bashobore kurya Pasika.

 

Pilato arasohoka rero imbere yabo, ababwira ati:

Ab: «Uwo muntu mumurega iki?»

S: Baramwishura bati:

Ab: «Iyo ataba yari inkozi y’ikibi,

ntitwari kumukuzanira.»

S: Pilato ababwira ati:

Ab: «Mujane mwebwe nyene mumucire urubanza,

mukurikize itegeko ryanyu.»

S: Abayuda baramwishura bati:

Ab: «Ntitwarekuriwe kugira uwo twica.»

S: Kwari ukugira ngo ijambo Yezu yavuze

Hamwe yari yabuye ururpfu azopfa, ritahe.

Pilato rero asubira mw’iburaniro,

atumako Yezu, amubwira ati:

Ab: «Uri umwami w’Abayuda?»

S: Yezu aramwishura ati:

Y: «Ivyo ni wewe uvyivugiye,

canke ni ivyo wumva ku bandi bamvuga?»

S: Pilato amwishura ati:

Ab: «Mbega jewe ndi Umuyuda?

Abo mu gihugu cawe n’abaherezankuka bakuru ni bo bakunzaniye.

Wakoze iki?»

S: Yezu asubiza ati:

Y: «Ubwami bwanje si ubwo kuri iyi si.

Iyo Ubwami bwanje buba ari ubwo kuri iyi si,

Abantu banje bari kundwanira,

Singwe mu minwe y’Abayuda;

Eka noneho, Ubwami bwanje si ubw’aha kw’isi.»

S: Pilato amubwira ati:

Ab: «None ga, uri umwami?»

S: Yezu aramwishura ati:

Y: «Uvuze ko, ndi Umwami,

kandi ni co navukiye kikantuma nza kw’isi:

ni ukugira ngo nshingire ingingo ukuri;

uwukunda ukuri wese yumva ijwi ryanje.»

S: Pilato aramubwira ati:

Ab: «Ukuri ni iki?»

S: Avuze ayo majambo, asubira gusohoka, agana Abayuda,

araheza arababwira ati:

Ab: «Nta co namusanzeko comwica.

Ariko ni akamenyero

Ko ndabarekurira umwe ku musi wa Pasika.

None mushaka ko ndabarekurira umwami w’Abayuda?»

S: Biha induru rero bati:

Ab: «Ntumuduhe, duhe Baraba!»

S: Uwo Baraba yari umwambuzi.

Pilato rero afata Yezu aramukubitisha.

Hanyuma abasirikare bajisha urugori rw’amahwa,

barumwambika ku mutwe,

bongera bamwambika umutamana utukura.

Baramwegera bavuga bati:

Ab: «Mwaramutse, ga mwami w’Abayuda!»

S: Bongera baramukubita amakofe.

Pilato aragaruka, abwira Abayuda ati:

Ab: «Ehe ndamubazaniye,

mumenye ko ata gicumuro ndamubonyeko co kumwica.»

S: Yezu arasohoka rero uko yakambaye

rwa rugori rw’amahwa na wa mutamana utukura;

araheza Pilato ababwira ati:

Ab: «Ng’uwo wa muntu!»

S: Ngo bamubone, abakuru n’abarinzi biha induru bati:

Ab: «Ku musaraba! Ku musaraba!»

S: Pilato ababwira ati:

Ab: «Ng’uwo nimumwibambire mwebwe nyene,

jewe nta co namusanzeko gikwiye guhanwa.»

S: Abayuda baramwishura bati:

Ab: «Turi n’itegeko,

kandi turikurikije ni uwo gupfa,

kuko yigize Umwana w’Imana.»

S: Pilato ngo yumve ayo majambo, atinya ukuruta.

Asubira mw’iburaniro, araheza abwira Yezu ati:

Ab: «Uva he?»

S: Yezu yamara ntiyamwishura namba.

Pilato rero niko kumubwira ati:

Ab: «Ntunyishura jewe!

Ntuzi ko mfise ububasha bwo kukurekura

N’ubwo kukubamba?»

S: Yezu aramwishura ati:

Y: «Nta bubasha wari umfiseko,

iyo utabuhabwa n’Uwo mw’ijuru.

Ni co gituma uwakumpaye

Yakoze igicumuro kiruta icawe.»

S: Kuva ubwo, Pilato yarondera ingene yomurekura;

Abayuda yamara baja mu vyo kuyogora bati:

Ab: «Niwamurekura, ntuzoba ukunda Sezari;

kuko uwigira umwami wese aba agararije Sezari.»

S: Pilato ngo avyumve, asohora Yezu,

amwicarika ku ntebe y’imanza,

ahitwa Litositorotosi, mu gihebereyi na ho Gabata.

Hari ku musi w’ukwitegurira Pasika,

ahashira isaha ya gatandatu.

Pilato abwira Abayuda ati :

Ab: «Ng’uwo umwami wanyu!»

S: Bo bavuza induru bati:

Ab: «N’apfe! N’apfe! Mubambe!»

S: Pilato ababwira ati:

Ab: «Mbambe umwami wanyu!»

S: Abaherezankuka bakuru basubizayo bati:

Ab: «Atari Sezari, nta wundi mwami dufise.»

S: Araheza aramubaha ngo bamubambe.

 

Yezu ku gasozi ka Kalvariyo

 

Yezu ava aho yikoreye umusaraba wiwe,

agana ahantu hitwa Kalvariyo, mu gihebereyi Gologota.

Ni ho bamubambiye hamwe n’abandi babiri,

umwe ku ruhande uwundi ku rundi,

Yezu na we hagati.

 

Pilato kandi arandikisha urwandiko,

araheza arumanika hejuru ku musaraba.

Amajambo yarwo yari aya:

«Yezu w’i Nazareti, umwami w’Abayuda.»

Abayuda benshi barasoma urwo rwandiko,

kuko aho Yezu yari yabambiwe hari hafi y’igisagara

kandi rwari rwanditswe mu gihebereyi, mu kilatini no mu kigereki.

Abaherezankuka bakuru n’Abayuda babwira rero Pilato bati:

Ab: «Ntiwandike ngo: Umwami w’Abayuda, andika uti:

Uwo muntu yavuze ati: Ndi umwami w’Abayuda.»

S: Pilato arabishura ati:

Ab: «Ico nanditse canditswe.»

S: Abasirikare bamaze kumubamba,

bafata ivyambarwa vyiwe, babicamwo imyanya ine,

umwe w’umwe umwe muri bo.

Bafata ikanzu yiwe, ariko iyo kanzu ntiyagira umubariro;

yari yajishwe urunani kuva hejuru gushika hepfo.

Bavuga rero bati:

Ab: «Ntituyitabure, nimuze dutere ubupfindo bw’uwuyironka.»

S: Kwari ukugira ngo Inyandiko itahe ngo:

«Baragabanganye ivyambarwa vyanje,

na yo ikanzu yanje bayiterako ubupfindo.»

Ng’ivyo ivyo abasirikare bagize.

 

Iruhande y’umusaraba wa Yezu hari hahagaze nyina wiwe,

na nyinabo, Mariya muka Klopasi,

na Mariya Madalena.

Yezu ngo abone nyina wiwe

iruhande yiwe na ho hari wa mwigishwa yakunda,

abarira nyina wiwe rero ati:

Y: «Wa mukenyezi we, ng’uwo umwana wawe.»

S: Abwira wa mwigishwa na we ati:

Y: «Ng’uwo nyoko wawe.»

S: Kuva ubwo, nya mwigishwa aca ajana Mariya iwe.

Ivyo biheze,

kuko yari azi ko vyose vyamaze kurangira,

Kugira ngo Inyandiko iranguke rwose,

Yezu avuga ati:

Y: «Ndanyotewe.»

S: Aho hari agakono kuzuye isiki.

Bashinga rero kw’icumu akamamara bakojeje mw’isiki,

baramuhereza ngo anunuze.

Yezu amaze kunywa nya siki, ati:

Y: «Vyose birarangiye.»

S: Araheza ajondamika umutwe, aracikana.

 

Aha barapfukama, bakavuga agasabisho gatoyi banumye

 

Kubera ko wari umusi w’ukwitegurira Pasika,

- nkako isabato wari umusi mukuru uhambaye, -

Abayuda rero basaba Pilato

ngo bavune amaguru y’abari babambwe, baheze babakureho

boye kurekera imivyimba ku musaraba ku musi w’isabato.

Abasirikare rero baraza bavuna amaguru

y’uwa mbere n’ay’uwa kabiri

muri bamwe babambwe hamwe na Yezu.

Bashikiriye Yezu, basanga yamaze gucikana,

ntibamuvuna amaguru,

ariko umwe wo muri nya basirikare amusogota icumu mu rubavu,

haca hisuka amaraso n’amazi.

Uwabibonye ni we yabishingiye intahe,

kandi intahe yiwe ni iy’ukuri,

kandi urya azi ko avuga ukuri ngo namwe mwemere.

Ivyo rero vyagenze gutyo ngo inyandiko itahe:

«Nta gufa ryiwe bazovuna» ;

ahandi na ho ngo:

«Bazokwihweza uwo basogose.»

 

Itongo bahamvyemwo Yezu

 

Ivyo biheze, Yozefu w’i Arimateya, umwigishwa wa Yezu,

ariko mu mpisho kuko yatinya Abayuda,

asaba Pilato kubambura ikiziga ca Yezu.

Nikodemu na we araza,

umwe mu ntango yari yagiye gukebukana na Yezu mw’ijoro;

azana ikivange c’imira na alowe c’ingero nk’ijana.

Bafata ikiziga ca Yezu,

bakizingira mu mpuzu hamwe n’ibimoga neza,

nk’uko Abayuda babigenza mu guhamba.

Aho bari bahamvye Yezu hari umurima;

muri uwo murima, hakaba uruhafu rushasha,

ata muntu n’umwe yari bwahambwemwo.

Kandi wari umusi w’ukwitegura kw’Abayuda,

uruhafu na rwo rwari hafi,

haba ariho bahamba Yezu.

Rondera
Urutonde rw'Imisa
I. VICARIAT DE SAINT MICHEL
1. PAROISSE CATHÉDRALE REGINA MUNDI
A. Messes
Samedi : 17h00 (en Français)
Dimanche : 6h00 (en Kirundi),  7h00 (en Kirundi),  8h15 (en Français),  10h00 (en Kirundi),  12h00 (parfois, possibilité d'une messe circonstancielle, en Kirundi), 17h00 (en Français)
B. Adoration
Mardi : toute la journée, à la Chapelle
Jeudi : toute la journée, à la Chapelle
Samedi : 6h45 à 8h00
2. PAROISSE SAINT MICHEL
A. Messes
Samedi : 17h00
Dimanche : 06h15, 08h00, 10h00, 12h00 Kiswahili, 17h00
B. Adoration
Jeudi : toute la journée
3. PAROISSE BUYENZI
A. Messes
6h00 (en Kirundi), 8h00 (en Kiswahili), 10h30 (en Kirundi), 16h30 (en Kirundi)
B. Adoration
Mercredi : 17h30
4. PAROISSE KANYOSHA
A. Messes
6h00, 7h45, 9h30 (Français), 11h15 et 16h00
B. Adoration
Jeudi : 18h00
Dimanche : 13h00 à 16h00
Premier vendredi du mois : toute la journée
5. PAROISSE KININDO
A. Messes
6h00, 7h30, 8h45, 10h30, 17h30
B. Adoration
Jeudi, toute la journée
6. PAROISSE MUSAGA
A. Messes
Samedi : 17h00
Dimanche : 6h10, 08h00, 10h30, 16h30
B. Adoration
Mardi : 12h00 à 16h00
Jeudi : 15h00 à 16h00
Vendredi : 12h00 à 14h00
7. PAROISSE NYAKABIGA
A. Messes
Samedi : 17h30
Dimanche: 6h00 (en Kirundi), 8h00 (en Kiswahili), 10h00 (en Kirundi), 17h00 (en Kirundi)
B. Adoration
Du lundi à vendredi : 7h00 à 16h45
8. PAROISSE RUZIBA
A. Messes
6h30, 8h30, 10h30, 16h30
B. Adoration
Jeudi 15h et le 1er vendredi du mois
9. PAROISSE MUTANGA SUD
A. Messes
6h15, 08h15, 10h30, 17h00
Campus Mutanga : messe à 11h (en kirundi et en français alternativement)
B. Adoration
Mardi : toute la journée après la messe de 6h00
II. VICARIAT DE GIHOSHA
1. PAROISSE GIHOSHA
Messes de la semaine
Lundi - Samedi : 06h30
Dimanche : 6h00, 10h30, 16h00 ( en Kirundi) 08h15 en Français
Lundi à 18h00, messe en Français, suivie de l'adoration, jusqu'à 19h00.
Vendredi : Adoration à 17h30, suivie de l'Eucharistie en Français, à 18h30
2. PAROISSE BUTERERE
A. Messes
6h00, 8h00, 10h00, 16h30
B. Adoration
Jeudi : 15h00 à 17h15
Samedi : 5h30 à 6h20
3. PAROISSE GATUMBA
A. Messes
6h30, 8h30, 10h30
B. Adoration
Jeudi : 7h00 à 8h00
Deuxième lundi du mois : 17h30 à 19h00
4. PAROISSE KAMENGE
Messes
6h, 7h30, 9h00 (swahili),10h30,16h30
Gatunguru : 9h30
Nyabagere : 9h30
Muberure : 8h00, 10h00
Nyambuye : 8h00, 10h00
Gishingano : 8h00, 10h00
Buhayira : 9h30
Mbirira : 8h00
Adoration à la Paroisse
Jeudi 16h30 un jour par mois
5. PAROISSE KINAMA
A. Messes
06h00 (en Kirundi), 08h00(en Kiswahili), 10h00 (en Kirundi), 16h00 (en Kirundi)
Gahahe-Carama (en Kirundi) : 07h00 et 09h30
Gasenyi (en Kirundi) : 09h00
B. Adoration
Lundi à samedi de 7h00 à 19h00
6. PAROISSE NGAGARA
A. Messes
Samedi : 17h30
Dimanche: 6h00, 08h00, 10h00, 17h00
B. Adoration
Jeudi : 17h00 à 17h30
AUMONERIES ET CHAPELLES
1. PAROISSE CHRIST-ROI (AUMONERIE MILITAIRE)
A. Messes
8h15, 10h30
B. Adoration
-
2. AUMONERIE DE LA POLICE
A. Messes
API : 7h30 et 10h30
Socarti : 7h30, 10h30
Ex ENAPO : 8H30
1er GMIR (Buyenzi) : 10h30
2ème GMIR (Kanyosha) : 10h30
Socarti : Adoration, 1er mercredi du mois
3. CENTRE JEUNES KAMENGE
Messe
10h30 en français
4. SANCTUAIRE MONT SION GIKUNGU
Messes
6h00, 8h00,10h00 et 16h00
Adoration
Lundi à vendredi à partir de 7h00 jusqu'à 21h30
Dimanche de 13h00 à 18h00
4. PETIT SEMINAIRE KANYOSHA
Messe
Messe des séminaristes : 6h45
1ère Messe des fidèles : 8h30
2ème Messe des fidèles : 10h15
Adoration
Adoration du Saint Sacrement par les séminaristes et autres fidèles qui veulent : Dimanche à 18h15 à 19h00
III. VICARIAT DE BUHONGA
1. PAROISSE BUHONGA
A. Messes
Samedi : 12h00
Dimanche : 7h30, 10h00
B. Adoration
Jeudi : 7h30 à 8h30
Jeudi de la troisième semaine du mois : toute la journée
2. PAROISSE JENDA
A. Messes
Samedi : 12h00
Dimanche, 7h45, 10h00, 16h00
B. Adoration
Jeudi : toute la journée après la messe de 7h15
3. PAROISSE KARINZI
A. Messes
7h30, 10h00
B. Adoration
Du lundi au samedi : 6h00 à 6h30
4. PAROISSE MAGARA
A. Messes
7h30, 10h00
B. Adoration
Dimanche : 7h00 à 7h30
5. PAROISSE MATARA
A. Messes
7h30, 10h00
B. Adoration
Jeudi : 15h00
6. PAROISSE MAYUYU
A. Messes
8h00, 11h00
B. Adoration
Vendredi : 8h00 à 17h00
7. PAROISSE MUBIMBI
A. Messe
7h30, 10h00
B. Adoration
Jeudi : 8h00 à 10h00
8. PAROISSE MUTUMBA
Messes
7h30 et 10h00
Adoration
Jeudi à 14h00 sauf le 1er vendredi du mois (7h30)
9. PAROISSE RUGAZI
A. Messes
7h30, 10h30
Jeudi : 15h00
B. Adoration
Jeudi : 8h00
10. PAROISSE RUSHUBI
A. Messes
7h30, 10h00
B. Adoration
Jeudi : 8h00
11. PAROISSE RUTONGO
A. Messes
7h30; 10h00
B. Adoration
-
IV. VICARIAT DE MURAMVYA
1. PAROISSE BUKEYE
A. Messes
Samedi : 16h00
Dimanche : 6h00 , 7h40, 9h30, 11h30
B. Adoration
Jeudi : 7h10 à 19h00
2. PAROISSE BUKWAVU
A. Messes
7h30, 10h00
B. Adoration
Jeudi : 14h00 à 15h00
3. PAROISSE BUZIRACANDA
A. Messes
Samedi : 12h00
Dimanche : 7h30, 10h00
Mercredi : 17h30 (Messe en Français)
B. Adoration
Jeudi : 16h00
Dimanche : 13h00
5.PAROISSE GASURA
4. PAROISSE KIGANDA
A. Messes
Samedi : 11h00
 Lycee: 16h00
Dimanche : 7h00, 9h00, 11h00
B. Adoration
Jeudi : 16h00
Dimanche : 13h00
5. PAROISSE KIVOGA
A. Messes
6h30, 8h30, 10h30, 12h30
B. Adoration
Jeudi : après la messe de 6h30
6. PAROISSE MUNANIRA
A. Messes
Samedi : 12h00
Dimanche : 7h15, 10h00
B. Adoration
Jeudi : 7h30 à 18h00
Premier vendredi du mois : 7h30 à 12h00
7. PAROISSE MURAMVYA
A. Messes
7h00, 8h30, 10h30
B. Adoration
Jeudi : toute la journée
8. PAROISSE RYARUSERA
A. Messes
8h00, 10h15
B. Adoration
Jeudi : après la messe de 6h30
Mwoba mufise ico mubaza?
Tanga
Twite za CEDICOM
Twite za Papa
Facebook ya CEDICOM
Abari kumurongo : 1581
Centre Diocésain de Communication CEDICOM
Uburyo bwokutwakura
Bld Patrice Lumumba, 21, Bujumbura, Burundi
+257 22 22 05 00
+257 65 19 52 50
B.P. 690 BUJUMBURA BURUNDI
cedicom.buja@gmail.com
Kwiyandikisha kukurontswa inkuru
Baza ikibazo
©2024. CEDICOM Archidiocèse de Bujumbura Designed by : DS COMPANY
Tanga * Karitas (abatishoboye)* Ugufasha abaseminari n'abamenyeshamana* Ukwubaka amasengero kumashure* Ugushigikira abasaserdotiUburyo bwo gufashaKoresha konte za DiyosezeMu marundi : Interbank Burundi : 701-02790-0152(Diocèse de Bujumbura)Mu ma dolari : BRB : 3302/493 (Archidiocèse BUJA/USD) Swift Code : BRBUBIBIMu ma Euro : BRB : 3320/368 (Archidiocèse de Buja/EURO) Swift Code : BRBUBIBI