Vikariya >

Mikaheli Mweranda >

Paruwase Buyenzi: Abasomyi b'Ijambo ry'Imana bo mugisata c'abavuga ikirundi barahimbaje umuvunyi wabo

Mw'Ijambo ry'ikaze ryashikirijwe n'umusuku umushingantahe Ntawuhorahiriwe Eriyasi akaba yarababwiye icatumye bakoranira hamwe bagasangira amasaka, ko kwari ukwigina umuvunyi wabo Yoronimu mweranda gutyo ng obasangire akanyamuneza kandi bamusabe yame abavugira iminsi yose kumana.

Yarongeye arababwira Yoronimu mweranda amamuko yiwe ko avuka mu gihugu ca Domisiko.Munda y'umuvyeyi yamwibarutse bakaba bavukana ari abana batatu akaba yari umwana yakunda kubabaza abavyeyi biwe ariko nyina wiwe Monika yama amusabira mubisabisho vyiwe Imana ikaba yaramwishuye gushika naho ahinduka.

Akaba yasozereye iryo jambo ababwira ko Yoronimu Mweranda atari umuvunyi w'abasomyi b'Ijambo ry'Imana mw'isengero gusa ariko ari umuvunyi w'abantu bose basoma Ijambo ry'Imana.

Inyuma y'iryo jambo ry'umusuku, Patiri mukuru akaba yaciye afata ijambo aho yashimiye uwo murwi kuvyiza ukora kuri Paruwase aho bafasha abakirisu gusenga neza mugihe basomeye neza abakirisu ijambo ry'Imana.

Mwomenya ko ivyo birori vyari vyatewe iteka na Patiri mukuru w'iyo Paruwase Patiri Nsanzurwimo Mariko hamwe Patiri Ferederiko Rimo.

Mu mumugwi umwe

Aleluya. Kristu yategerezwa kubabara no kuzuka mu bapfuye, kugira ngo yinjire mu buninahazwa. Aleluya.

Ivyo dusoma mu Nkuru nziza ya Yezu Kristu nk’uko yashikirijwe na Yohani (6, 44-51)

Muri irya misi, Yezu yabariye Abayuda ati: «Nta wushobora kunyegera Data yantumye atamukwegakweze; nanje nzomuzura ku musi w’imperuka. Mu bahanuzi handitswe ngo: ‘Bose bazokwigishwa n’Imana.’ Uwumvise Data wese akakira inyigisho ziwe, ni we aza iwanje. Ni ko, nta n’umwe yabonye Data atari umwe yavuye hafi y’Imana; uyo ni we yabonye Data. Ni ukuri ni ukuri ndabibabwiye: uwemera arafise ubuzima budahera. Jewe ndi wa mukate w’ubuzima. Basokuru banyu barariye mana mu gahinga, bahava barapfa. Uyu ni wo mukate umanuka uva mw’ijuru, maze uwuwuriye ntazopfa. Jewe ndi wa mukate muzima wamanutse uva mw’ijuru uwuriye uwo mukate azokwamaho imyaka yose. Vyongeye umukate nzotanga ni umubiri wanje uzanira isi ubuzima.»