Bose: Tukunde tukunde twizigire Yezu. (2)

          1.Umukama Yezu Kristu, umusi baramufata,

           Kuko yadukunze cane, yatgiriy´Ukaristiya.

          2.Abigishwa biwe bose ,bari bakoranye hamwe,

          N´umutumwa mubi nyene, yuda nawe barikumwe.

          3.Yezu rero akavuga,ati: bana banje mwese,

           Urupfu gwabaye hafi, nza kwicwa n´abansi banje.

           4.Ati: mureke kurira,mpfuye niho muzokira,

           Vyongeye sinzobaheba, nzokwam´iwanyu imyaka.

          5.Akira rer´umukate iki n´umubiri wanje,

         Murye muronk´amagara,yogutsind´amashetani.

         6.Yakira naho umuvinyu,ati: N´amaraso yanje,

         N´ayo nyen´azobakiza, munywe mubon´Umutima.

         7 .Wa Mukama urakoze,twar´abantu babi cane.

         Yamar´uratucunguye,na ku bwac´urababaye.

        8.Vyongey´uratukomeza,utubera ivyo kurya.

        N´amaraso yawe tumywa ntaco twoba tugitinya.

       9.Uti: mwese mwa bakristu,ni mugogwa muz´iwanje.

       Amagara muyabuze nzoba nd´aho mbakomeza

       10.Amagorwa nzoyakura ni jewe rugirá vyose.

        Amagara nzoyabaha, ni jewe Mungu Mukama.

      11.None rero twe bakristu,twumv´amajambo y´uMwami.

       Nitwemer´Ukaristiya, ko ni Yezu Kristu Mungu.

      12. Yezu Kistu aba wese m ruhande mukimanyu.

       Nkuko nyene aba wese, muri ca gishusho cose.

       13. Uhaw´ikishusho cose, ab´ahawe Yezu wese.

       Uwakiriy´ikimanyu, aronka kwa kundi nyene.

      14. uwiteguy´asangira, arahabwa Yezu kritu.

         Ac´aronka mu mutima, ikimubesha rwose.

      15. Uje ataritegura, arahabwa Yezu nawe.

      Yamara n´urupfu rubi, rumufashe rumutwaye.

     16. Ni twimenye twitegure tuhung´ibikorwa bibi.

      Tushim´ibikorwa vyiza, tuhobore gusangira.

       17. Tuze gusangira kenshi, nico Yezu nyen´ashaka.

        Tuze no kumuramutsa, mu ngoro yiw´ekleziya.

       18. ararorera ngo tuze, kumusab´inema zose.

        Ni washaka kudukiza, ntari bwanke kuzinduka.

       19. Umukama tumukunde, tumuninahaze cane.

       Tub´abana biwe beza, tub´abakristu veranda.

      20. Ni twama tumwizigira, tuzopfa rwiza dukire.

      Tuzogenda kunezerwa, na we nyen´imyaka yose.