Bose: Yezu yaje kubana natwe ngo atwihebere
gose,
         Â
Ari hano tumwishimire, tumwemere niwe Mungu
Â
  1. Ndabon’ikisa n’umukate,
   Yamara
si wo ni wewe, wabivuze, ni wewe nyene
   Ndemer’iryo jambo ryawe.
  2. Ntitugir’ubwiza n’intete, ntitufise
n’amagara
   Ntitumenya kukora neza, Tuhora tugukengera.
 3. Yezu Kristu wa Mwami wacu, ni twe bawe
tukuzamba.
   Udutunge uduh’inema, udufashe tugukunde.
 4. Ino turi hafi ya Yezutumweger’uko dushaka
   Tuze
rero tuteramire, Umwami wac’adukunda.
 5. Garur’abacumuye nabi, bagirire n’ikigogwe
   Â
Ntutwihore, ntutwim’inema tubon’ikituruhura.
 6. Nta n’uwo dukunda nka wewe, ntitwoba
rer’ibigaba,
   Tuza
guheb’ibigutuka, ntitwibagir’utuhaye.
Aleluya. Kristu yarazutse; umuco wiwe waratuboneshereje, twebwe yacunguje atnaraso yiwe. Aleluya.
Ivyo dusoma mu Nkuru Nziza ya Yezu Kristu nk’uko yashikirijwe na Yohani (6, 52-59)
Muri irya misi,
Abayuda baja mu gaharira, bavuga bati: «Uwo ashobora ate kuduha umubiri
wiwe ngo tuwufungure?» Yezu arababwira rero ati: «Ni ukuri ni ukuri
ndabibabwiye: mudafunguye umubiri w’Umwana w’umuntu, ntimunywe n’amaraso yiwe,
nta buzima muzogira. Uwufungura umubiri wanje akanywa n’amaraso yanje, arafise
ubuzima budahera. Nanje rero nzomuzura ku musi w’imperuka. Na none umubiri
wanje ni imfungurwa y’ukuri, amaraso yanje na yo ni inyobwa y’ukuri. Uwufungura
umubiri wanje akanywa n’amaraso yanje, aba muri jewe, nanje nkaba muri we.
Nk’uko Data Nyenubuzima yantumye ari we ambeshaho, ni ko n’uwumfunguye ndamuha
ubuzima. Uyo rero ni wo mukate wamanutse uva mw’ijuru. Ntumeze nk’umwe basokuru
banyu bafunguye, hanyuma bagapfa. Uwuzofungura uyo mukate azoramba mu myaka
yose.»
Ivyo Yezu yabivuze yigishiriza mw’isinagoga i Kafaranawumi. Â