Bose: Ndi Umukristu
ndahimbawe, Mungu ni we Mwami Wanje,
Ndamukunda, ndamusenga, ndi Umukristu,
ndi Umukristu.
1. Ndi Umukristu,
ni Mungu nyene, we yangir’ikigongwe,
Yarantoye mb’umwana wiwe, yarampaye ni Ibatisimu.
2. Ndi Umukristu,
narahakanye, Shetani n’ibicumuro,
Kuko maze kumeny’undemye, sinokwank’Ijambo
ryiwe.
3. Ndi Umukristu n’ubu ndagomba, kukorera Yezu Kristu,
Yarankunz’arancungura, ampfira ku Musalaba.
4. Ndi Umukristu,
n’umusalaba, ni rwo rumenyetso rwanje,
Nkiri hasi, ni nababara, nzoba nezerwa
mw’ijuru.
5. Ndi Umukristu,
n’itunga ry’isi, sinkishaka kuryishinga,
Ivyo ndondera n’ivya Mungu, ni we nyene
azonkiza.
6. Mungu
wanje, ni wewe nsenga, umpanagaze nd’uwiwawe,
Mbashe kugukorera neza, nze ngukund’imyaka
yose.
Aleluya.
Ko mwazukanye na Kristu, rondere ivyiza vy’ijuru,
aho Kristu avyagiye iburyo bw’Imana.
Aleluya.
Â
Ivyo dusoma mu Nkuru nziza ya Yezu Kristu nk’uko yashikirijwe na Yohani (17, 20-26)
Muri irya misi,
Yezu yariko arasenga, ahanga ijuru. Avuga ati: «Si abigishwa banje basa
nsabiye, nsabiye n’abazonyemera kubera ijambo ryabo, ngo babe bose umwe, nk’uko
wewe Dawe uri muri jewe nanje muri wewe, nibabe muri twebwe na bo nyene, isi
yemere ko wantumye. Narabahaye ubuninahazwa wampaye, ngo babe umwe nk’uko turi
umwe: jewe mbe muri bo nawe muri jewe, maze babe umwe rwose, ubumwe bwabo
bwuzure, kandi isi imenye ko wantumye kandi ko wabakunze nk’uko wankunze. Dawe,
abo wampaye, nshaka ko aho ndi, na bo bohabana nanje, maze barabe ubuninahazwa
wampaye kuko wankunze isi itararemwa.
Dawe utunganye, isi ntiyakumenye, jeho yamara narakumenye, aba na bo
baramenye ko wantumye. Narabamenyesheje izina ryawe kandi nzoribahishuka. Maze
urukundo wankunze rube muri bo, nanje nyene mbe muri bo.»
Radio Maria
Eglise Catholique
Radio Vatican
Foyer de Charit