Bose: Mawe mwiza utwigishe gusenga Umwana wawe…
(Bis)
Mawe mwiza utwigishe gusenga Umwana wawe.
1. Nidutabaze Mariya, adufashe
Gusenga Yezu mu Karistiya,
Kuk’ariho dukur’ivyiza vyose.
2. Yarashimye kumuvyara, ngo we adukize,
Mu kudupfira
ku musalaba,
Ni
tumwishimir’imyaka yose.
3. Mw’ijuru yicaye impande z’uyo Mwana.
Amwiganira amagogwa yose,
Ni
tumuhange amaso azoduhoza.
4. Tukwishikanyeko twese, ni utumenye,
Wewe
muvyeyi utananirwa.
Tugushikirije imitima yacu.
5. Tuzokwama tuguhoza, wewe Mariya.
Na we
uheze, Mawe udusabire.
Tuzi ko Yezu azoguhe ico ushaka.
6. Muvyeyi wa Kristu Mwami, Mwamikazi.
Tumenyeshe kumuninahaza,
Tumukunde
we Mwami w’urukundo.
7 . Muvyeyi turakuzamvye, utuzigame,
Maze
hageze igihe co gupfa,
Uzoce
unyaruka uturemeshe.
Aleluya. Kristu yarazutse; umuco wiwe waratuboneshereje, twebwe yacunguje atnaraso yiwe. Aleluya.
Ivyo dusoma mu Nkuru Nziza ya Yezu Kristu nk’uko yashikirijwe na Yohani (6, 52-59)
Muri irya misi,
Abayuda baja mu gaharira, bavuga bati: «Uwo ashobora ate kuduha umubiri
wiwe ngo tuwufungure?» Yezu arababwira rero ati: «Ni ukuri ni ukuri
ndabibabwiye: mudafunguye umubiri w’Umwana w’umuntu, ntimunywe n’amaraso yiwe,
nta buzima muzogira. Uwufungura umubiri wanje akanywa n’amaraso yanje, arafise
ubuzima budahera. Nanje rero nzomuzura ku musi w’imperuka. Na none umubiri
wanje ni imfungurwa y’ukuri, amaraso yanje na yo ni inyobwa y’ukuri. Uwufungura
umubiri wanje akanywa n’amaraso yanje, aba muri jewe, nanje nkaba muri we.
Nk’uko Data Nyenubuzima yantumye ari we ambeshaho, ni ko n’uwumfunguye ndamuha
ubuzima. Uyo rero ni wo mukate wamanutse uva mw’ijuru. Ntumeze nk’umwe basokuru
banyu bafunguye, hanyuma bagapfa. Uwuzofungura uyo mukate azoramba mu myaka
yose.»
Ivyo Yezu yabivuze yigishiriza mw’isinagoga i Kafaranawumi. Â