1.(Mukama, ni wewe tuninahaza) ni wewe uri Imana nzima.

 2. Isi yos’irakwubaha, wewe Mungu Data wamyeho

 3. Abamalayika bose ivyaremwe vyose, ububasha bwose bwegukiye

     wewe.

 4. Abakelubini, abaserafini ntibahengeshanya

     Kugutera impundu.

 5. Bavuga bati: uri Mutagatifu

     Mutagatifu Mutagatifu, wewe Mukama Mana Rutaganzwa.

  6. Ijuru n’isi vyuzuy’ubuninahazwa bwawe.

 7. Abatumwa bahurikira hamwe bakuvugiriz’impundu.

 8. Ikigwi c’abahanuzi na co kikayakira.

 9. Umwerasi w’ishengero ry’Abagufitiye,

     Bagukez’ubudahengeshanya.

 10. Isi yose, Ekleziya ntagatifu irazi ko uri Imana nzima

 11. Wewe Mungu Data nyen’inganji ntangere.

 12. Mwe n’Umwana wawe, w’ikinege nyagusengwa.

 13. Hamwe na Mutima, we Mushingangingo abushitse.

 14. Ewe Yezu Kristu, uri Umwami w’ubuninahazwa.

 15. (Naninahazwe) ni wewe mwana,

     Utigeze utangura wa Mungu Data.

 16. (Naninahazwe) ni wewe nyen’igihe wagira ngo wigir’incungu

       y’abantu naninahazwe.

      Utatinya kwibera mu mbanyi y’Umubikira atagira inenge.

 17. (Naninahazwe) ni wewe wacagaguye ingoyi z’urupfu,

      Ukatwugururira amarembo y’ubwami bw’ijuru.

 18. (Naninahazwe)ni wewe uvyagiye i buryo bw’Umukama,

      Mu buninahazwa bwa Mungu Data.

 19. (Naninahazwe) ni wewe twemera

      Ko uzohindukira uri umucamanza w’ingingo.

 20. Niho tukuzamvye Mukama

      Ngo ugarukire abasuku bawe, wacunguje amaraso yawe,

      Y’igiciro ntangere.

 21. Tabarany’ubater’iteka, ry’ukuzoharurwa mu mugwi

       W’Aberanda bawe, mu buhirwe budashira.

 22. Rokora ishengero ryawe, Mukama,

      Ugireko uhezagire abo bose wagize icibare cawe.

 23. Ni ubabere indongozi, maze ubashikire wewe,

      Mushobora vyose, gushika ubashikirize ubuzima budahera.

 24. Turagushimagiza tudahengeshanya

 25. (Tuzokwama) tuzokwama dutazira

       Dutazira izina ryawe Ritagatifu.

 26. Turagusavye Mukama, Dukingire uyu munsi igicumuro cose.

 27. Naninahazwe, tugirire ikigongwe Mukama tugirire ikigonwe.

 28. Ese ikigonwe cawe, Mukama, codusangira nkuko umwizero,

      Tugufiseko utagira inenge

 29. Ni wewe (ni wewe) nizigiye, ni wewe kandi sinzokwigera nizeruka.

      Amen.

 V. Nituninahaze Mungu Data, Mungu mwana

    na Mungu mutima Mutagatifu.

 R.  Tumuhaye kandi tumushimire imyaka yose.

 V. Urakaninahazwa Mukama w’ijuru n’isi

 R.  Urakwiy’impundu, ishimagizwa, ry’ubuninahazwa bw’imyaka yose.

 V . Mukama niwumvirize ico ndakuzamvye.

 R. N’ijwi ryanje rigushikire.

 v. Ni muhorane Umukama.

 R. N’abe no mu mutima wawe.