Bose: Mukama ungirire ikigongwe.

1. Mukama itegereze ingene ubwiza bwawe bungana.

    Ungirire ikigongwe.

2. Kubwo ikigongwe cawe kidakama,

     Nzimanganiriza akabi nakoze.

3. Nyuhagira umwanda wose mfise,

     Uheze uhanagure ibicumuro vyanje vyose.

4. Emwe simpakanye ibicumuro,

    Ububegito bw’umutima wanje,

    Kubwo ibicumuro vyanje vyose vyama binyagiriza.

5. Ni wewe musa nacumuyeko,

    Kandi nabikugiriye mu maso;

    Urubanza uciye ruraroranye, ntaho wigera uca ugwa ngonda gonde.

6. Erega navukiye mugicumuro,

    Na mawe yarakinsamanye.

7. Weho wikundira intonganuke y’umushaha,

    Nico gituma unshiramwo ubutungane ngo bunyure.

8. Ntotesha amatembarubingo, nce nkire umwanda wose,

    Unyuhagire nce ndusha inyange kwera.

9. Nyumvisha ijambo ryohumuriza ni ryo urweze;

     Amagufa wari wajanjaguye cane yiyubure.

10. Ibicumuro vyanje vyose vyikure mu maso

     Ni bibi vyanje vyose ubizimanganye.

11. Mukama nshiramwo umutima w’indanga;

      Ugushaka kwanje nakwo, ukuremeshe,

      Kwame kwihambiriyeko.

12. Ntunshibure ngo nkuve mu maso,

       Ntera iteka ariho ungumizemwo ubwiza bwawe.

13. Ndabe ryiza nka kera mpimbare,

       Kandi ndokoza ugushaka gutegerera, sinzokwiyokore

14. Ababi nzobigisha ivyo ushaka,

       Abacumuye baheze bakugarukire.

15. Mana bukiriro bwanje, ngirira ikigongwe,

      Ya maraso yaseswa ntabwo akinsimvya umutima,

     Ururimi rwanje ruzoshemeza imbabazi zawe.

16. Mukama mfatanura umunwa,

      Mbashe gushemeza ubuninahazwa bwawe.

17.  Imperezwa ntuzibabaye,

       Iyo ndaguha imbagwa y’iciru,

       Ntiyari kugushika ku nyota.

18.  Imperezwa ndagushikaniye, Mukama,

       Ni umutima waduhiwe n’ibicumuro nakoze,

       Umushaha wigaye kandi wicisha bugufi, ntuwuzoshibura kure.

19. Ku bwiza bwawe Mukama,

      Hezagira Israeli ikwubahe,

       Uyigirire ingoro igukwiye.

20. Niho lero uzokenguruka inkuka zitegerezwa,

       Imperezwa n’imbagwa niho uzoshikirizwa ibimasa,

       Kuri Altari yawe.