Abadiyakoni 11 ni bo bimirije kwatirwa mw’ibanga ry’ubusaserdoti, ku wa Gatandatu igenekerezo rya 08 Mukakaro 2023, muri Diyoseze Nkuru ya Bujumbura, inkuka y’imisa izoberamwo iryo yatirwa ikaba izoherezwa muri Paruwase Karinzi.

Abiteguriye kwatirwa mw’ibanga ry’ubusaserdoti ni aba:

1) Diyakoni Pascal Bukuru avuka mu Rugembe muri Paruwase Karinzi, mwene Emmanuel Barakabereka na Lydwine Hakizimana;

2) Diyakoni Apollinaire Havyarimana avuka mu Kibuye muri Paruwase Rushubi, mwene Venant Ndikuburundi na Vénérande Ndarengeje;

3) Diyakoni Richard Irakoze avuka mu Kamesa muri Paruwase Musaga, mwene Protais Hashimimana na Gisèle Nahimana;

4) Diyakoni Bernard Maniragarura avuka i Buhanda muri Paruwase Matara, mwene Fécond Maniragarura na Calinie Bukuru;

5) Diyakoni Liévin Ndayishimiye avuka i Buhina muri Paruwase Buhonga, mwene Anatole Mpawenimana na Calinie Ntahomvukiye;

6) Diyakoni Tanguy Chrétien Nikezwe avuka muri quartier Gikungu-1 muri Paruwase Gihosha, mwene Daniel Buhanza na Olive Ndabubaha;

7) Diyakoni Egide Nimubona wo ku Mugoboka muri Paruwase Mutima w’Ubwitonzi yo ku Mutanga Sud, mwene Daniel Bamporumukeko na Petronie Ndabacekure;

8) Diyakoni Siméon Niragira wo mu Gashishima muri Paruwase Bukeye, mwene Pantaléon Nizigiyimana na Céline Nsabimana;

9) Diyakoni Davy Christophe Niyomuhoza wo muri Quartier 6 Ngagara muri Paruwase Ngagara, mwene Christophe Biharira na Dorothée Kamikazi;

10) Diyakoni Etienne Nshimirimana wo mu Kanyinya muri Paruwase Mubimbi, mwene Marcel Ncahonankwa na Marguerite Ndahiro;

11) Diyakoni Firmat Ntirampeba wo ku Mutanga Sud muri Paruwase Mutima w’Ubwitonzi yo ku Mutanga Sud, mwene nabor Bantega na Marie Kigeme.

Diyoseze Nkuru ya Bujumbura itumiriye abakristu bose gusabira abo batowe, kugira ngo Umukama ashishikare kubafasha kwitegurira neza iryo banga, bazobe abatumwa beza kandi beranda.

Iyo Diyoseze kandi, yisunze amateka y’Ekleziya, ikaba isaba uwoba azi ikintu kuri abo bazokwatirwa cotuma Umwepiskopi mukuru abanza kubangira imbere yo kubatira, ko yobimenyesha hakiri kare Umwepiskopi Mukuru canke Patiri mukuru wa Paruwase akukira.

Biri mw’itangazo ryasinywe na Musenyeri Gabriel Baregensabe,

Umunyamabanga wa Diyoseze Nkuru ya Bujumbura