Abaririmbiramana bo mu mugwi «Ave Maria» urangurira ubutumwa muri Paruwase yitiriwe Yohani Paulo-II yo mu Buterere barakwije imyaka itanu batanguye ubutumwa bwo kuririmbirimana. Ku wa Gatandatu igenekerezo rya 24 Nzero 2026 harabaye umwiherero w'abo baririmbiramana.
Uwo
mwiherero wabereye mu kigo citiriwe Vincent wa Paulo mweranda (Saint Vincent de
Paul) c'ababikira, ku civugo kigira kiti: «Ico aja kubabwira cose muragikora» (Yoh.2,1-11).
Iyo nyigisho ikaba yatanzwe na Patiri Henri Bakishimira.
Inyuma
y’iyo nyigisho, abo baririmbiramana baciye baja gushengerera Yezu mw’Ukaristiya,
bagirako baronka n’isakramentu ry'ikigongwe, basozerera ku nkuka y’imisa. Uwo
musaserdote yaribukije abo baririmbiramana ko Ekleziya ibasaba kuryosha inkuka
y'imisa, ivyo bigaca mu kwitanga no mu bugamburutsi.
Tworangiza
tubamenyesha ko isabukuru nyezina yahimbajwe bukeye, ku w’Imana igenekerezo rya
25 Nzero 2026, mu nkuka y’imisa yaherejwe kw’isaha zine n’igice (10h30).
Claude
Nsengiyumva, Paruwase Buterere
Aleluya.
Ko mwazukanye na Kristu, rondere ivyiza vy’ijuru,
aho Kristu avyagiye iburyo bw’Imana.
Aleluya.
Â
Ivyo dusoma mu Nkuru nziza ya Yezu Kristu nk’uko yashikirijwe na Yohani (17, 20-26)
Muri irya misi,
Yezu yariko arasenga, ahanga ijuru. Avuga ati: «Si abigishwa banje basa
nsabiye, nsabiye n’abazonyemera kubera ijambo ryabo, ngo babe bose umwe, nk’uko
wewe Dawe uri muri jewe nanje muri wewe, nibabe muri twebwe na bo nyene, isi
yemere ko wantumye. Narabahaye ubuninahazwa wampaye, ngo babe umwe nk’uko turi
umwe: jewe mbe muri bo nawe muri jewe, maze babe umwe rwose, ubumwe bwabo
bwuzure, kandi isi imenye ko wantumye kandi ko wabakunze nk’uko wankunze. Dawe,
abo wampaye, nshaka ko aho ndi, na bo bohabana nanje, maze barabe ubuninahazwa
wampaye kuko wankunze isi itararemwa.
Dawe utunganye, isi ntiyakumenye, jeho yamara narakumenye, aba na bo
baramenye ko wantumye. Narabamenyesheje izina ryawe kandi nzoribahishuka. Maze
urukundo wankunze rube muri bo, nanje nyene mbe muri bo.»
Radio Maria
Eglise Catholique
Radio Vatican
Foyer de Charit