Ku w'Imana igenekerezo rya 8 Ruhuhuma 2026, abagize umugwi w'abaririmbiramana wo mu mibano mito mito witiriwe «Bakhita Mweranda» wo muri paruwase yitiriwe Umweranda Guido Maria Conforti yo mu Kamenge bahimbaje isabukuru y'imyaka 27 y'amavuko y'uwo mugwi.
Ibirori
vyatanguriye ku nkuka y'imisa yaherejwe na Patiri Taninas Yoanes. Abarundi bati: «uwumaze imyaka myinshi aba yariye umunyu mwinshi», uwo musaserdoti, yisunze
ibisomwa vyeranda vy’uwo musi, yasavye abo baririmbiramana n’abakristu muri rusangi
kuba kuba umunyu w'isi n’umuco umurikira abandi biciye mu ngeso nziza no mu
bikorwa vyabo, bagaha isi akanovera.
Mu
mwanya w’ihereza, abo baririmbiramana barashikaniye Imana mu kugaragaza
umunezero bari bafise no mu kuyikengurukira. Ishikanwa ryabo bakaba ngo
barigeneye igikorwa c'urukundo mu kwifatanya n'abarwaye ku musi mpuzamakungu wahariwe
ukwibuka abarwaye wimirije.
Tubamenyeshe
ko uwo mugwi wavutse mu mwaka w’1998, nk'uko vyashikirijwe na Kaka John Nzeyimana
asanzwe ari imboneza muri uwo mugwi.
Tubamenyeshe
kandi ko uwo mugwi ufise inkurikirane zitatu z'indirimbo umaze gushira ahabona,
izo ndirimbo zikaba ari iz’ukuninahaza Imana no gukwiza hose Inkuru Nziza.
Aleluya.
Ko mwazukanye na Kristu, rondere ivyiza vy’ijuru,
aho Kristu avyagiye iburyo bw’Imana.
Aleluya.
Â
Ivyo dusoma mu Nkuru nziza ya Yezu Kristu nk’uko yashikirijwe na Yohani (17, 20-26)
Muri irya misi,
Yezu yariko arasenga, ahanga ijuru. Avuga ati: «Si abigishwa banje basa
nsabiye, nsabiye n’abazonyemera kubera ijambo ryabo, ngo babe bose umwe, nk’uko
wewe Dawe uri muri jewe nanje muri wewe, nibabe muri twebwe na bo nyene, isi
yemere ko wantumye. Narabahaye ubuninahazwa wampaye, ngo babe umwe nk’uko turi
umwe: jewe mbe muri bo nawe muri jewe, maze babe umwe rwose, ubumwe bwabo
bwuzure, kandi isi imenye ko wantumye kandi ko wabakunze nk’uko wankunze. Dawe,
abo wampaye, nshaka ko aho ndi, na bo bohabana nanje, maze barabe ubuninahazwa
wampaye kuko wankunze isi itararemwa.
Dawe utunganye, isi ntiyakumenye, jeho yamara narakumenye, aba na bo
baramenye ko wantumye. Narabamenyesheje izina ryawe kandi nzoribahishuka. Maze
urukundo wankunze rube muri bo, nanje nyene mbe muri bo.»
Radio Maria
Eglise Catholique
Radio Vatican
Foyer de Charit