"Isi yacu ntituyigirira akamaro mu kuyikorerera gusa mu biboneka kugira ituronse ibidutunga n’ibidutungira abacu ni nyabuna ukuyibera umunyu n’umuco ngo ironke akanovera yongere ibone iyo iva niyo ija. " (Nyenicubahiro Musenyeri Gerevazi Banshimiyubuisa)

Ku musi w’Imana igenekerezo rya 8 Ruhuhuma, abihebeye Imana bagize bagize intara y'ubutumwa ya Mikaheli Mweranda be n'iya Gihosha barahuriye muri Paruwassi yitiriwe Yozefu Mweranda (Ngagara), ngo biginane ku musi  mpuzamakungu wabahariwe ugira uwa 30, ku civugo kigira giti : « KWUMVIRIZA IJWI RISAMIRANIRA MU GACERERE KUGIRA NGO UBUZIMA BW'UKWIHEBERA IMANA BWUBAKIRWE KU MUZIRIKANYI.»

Ivyo birori vyatangujwe n’inkuka ya misa yatanguye igihe c’isaha zitanu, iherejwe na Nyenicubahiro Musenyeri Gerevazi Banshimiyubuisa, Umwepiskopi Mukuru wa Diyoseze ya Bujumbura.

Nyenicubahiro Musenyeri Gerevazi Banshimiyubuisa, mu nyigisho y’uyo musi  yagize ati : Â« Iyi si yacu ntituyigirira akamaro mu kuyikorera gusa mu biboneka kugira ituronse ibidutunga n’ibidutungira abacu, ni nyabuna ukuyibera umunyu n’umuco ngo ironke akanovera yongere ibone iyo iva niyo ija Â». Aca atumirira abakristu mu kwemera kwabo kwoshimikira kuba ivyabona vya Kristu mu kuba umunyu n’umuco isi ikeneye nabo abihebeye Imana bakabwirizwa kubirangura kubwo umwihariko  bijanye  n’indagano bagira mu mihamagaro yabo n’ubutumwa bitandukanye.

Furera Désiré Dusaberugira, umusaserdoti wo mu muryango w â€˜abasaserdoti b’inyigisho Rukristu, asanzwe aserukira abihebeye Imana muri Vikariya za Saint Michel na Gihosha,yavuzeko gukoranira hamwe nk’abiheye Imana bigaragaza ko bose bubatse Ekleziya imwe y’imana mu kugira ubumwe n’urukundo mu butandukane bwabo, mu kwigina iyo ngabire y’ubuzima bwihevyi bagabiwe n’umukama muri Ekleziya y’Imana.

Nayo mama Marie Goreth Nizigiyimana ari mu muryango w’abigishwa ba Yezu, yavuze ko naho uwo musi mukuru uhimbazwa kenshi, urabazanira akarusho mu buzima bwihevyi kuko kaba nakaryo ko  kwisubiza  itoto muri iryo banga no mu butumwa bwabo.Aca agirako atumirira abandi  kwama bisunga  Yezu mu kutamuja kure mu kuba umunyu n’umuco isi ikeneye kugira igumane akanovera.

Umupfasoni Nimbona chantal , umwe mu bakristu bo muri iyo Paruwasi, kuri we, guhimbaza uwo musi mukuru kumwe n’abihebeye Imana bibakaburira nabo  gukunda  iryo banga no kurikundisha abana babo.

Tubamenyeshe ko uwo musi mukuru usanzwe uhimbazwa kw’igenekerezo rya 2 Ruhuhuma, k’umusi mukuru w’iherezwa ry’Umukama wacu Yezu Kristu, bigatuma abihebeye Imana bibuka ko nabo bahamagariwe kwama batura Imana ubuzima bwabo ku musi ku musi  kugira bashobore kugendera iryo banga batoranye.

 

Mama Yvonne wa Yezu, CEDICOM

 

Ivyiyumviro

Rondera

Urutonde rw'Imisa

Mwoba mufise ico mubaza?

Tanga