
Ku
wa Gatandatu igenekerezo rya 07 Ruhuhuma 2026 ni ho abana bavyiteguriye neza bo
muri Paruwase Umuvyeyi w’ikigongwe yo mu Kanyosha baronswa isakramentu ry'Ukaristiya
mu rusangi rwa mbere. Abaronkejwe iryo sakramentu bose hamwe bangana 455.

Umugirwa wo kuronsa abo bana iryo sakramentu watangujwe n'inkuka y'imisa yatanguriye ku rugendo ikaba yatanguye igihe c'isaha zine zo mugitondo mu nkuka y’imisa yari irongowe na Patiri mukuru, Patiri Ferdinand Nduwimana.
Uwo musaserdoti yafatikanije n'abo basangiye umubano wa paruwase, kumwe n'abandi basaseredoti bari baje bava ku yandi ma
paruwase baje gushigikira bamwe muri abo bana bagira baronswe iryo Sakramentu.

Patiri Ferdinand Nduwimana yaribukije abo bana bagira baronswe isakramentu ry'Ukaristiya ico ari ico Ukristiya, ko ari imfungurwa y'ubuzima budahera ikomeza ku mutima.
Ikindi,
Ukaristiya ngo ni ikimenyetso c'urukukundo rw'Imana, yo yakunze abayo kuva
ikibarema, ikabereka ko ibafitiye impuhwe mu bihe bigoye bagenda bacamwo.
Uwo
musaserdoti akaba yarakebuye abo bana ko imbere yo kwakira Ukaristiya bazohora
babanza kwitegura biciye mu kuronswa isakramentu ry'ikigongwe, nka kuriya kw'umuntu
iyo agira afungure abanza gukaraba imicafu.

Inyuma
y'inkuka y'imisa twaregereye bamwe mu bana baronkejwe iryo isakramentu, baratwiganira
uko biyumva; batumenyesheje ko biyumva neza cane kuba baronse Yezu ubwa mbere
mu buzima bwabo muri iryo sakramentu.
Bakaba
batumirira abandi bana ko bosaba abavyeyi babo kubandikisha bakazokwirikirana
inyigisho zibafasha kwitegurira kwakira urusangi rwa mbere, kuko ngo uwakiriye
Yezu mu buzima bwiwe aheza akamukomeza.
Aleluya, aleluya.
Jewe ndi Inzira, Ukuri n’Ubuzima.
Nta wuja kwa Data, atanciyeko.
Aleluya.
Ivyo dusoma mu Nkuru nziza ya Yezu Kristu nk’uko yashikirijwe na Luka (17, 20-25)
Muri irya misi, Abafarizayo bari babajije Yezu igihe Ubwami bw’Imana buzozira, Yezu arabishura ati: «Ubwami bw’Imana ntibuzanana imenyetso ziboneka, ngo bavure ngo: Buri aha, canke ngo: Buri hariya; kuko Ubwami bw Imana buri muri mwebwe.»
Abwira rero abigishwa biwe ati: «Hazoza igihe muzokwipfuza ubona umusi
n’iyo woba n’umwe w’Umwana w’umuntu ntimuwubone. Bazobabwira bati: Ehe
ng’uriya! canke bati: Ehe ng’uyu! Ntimujeho, ntimubakurikire! Nk’uko umuravyo
urabiriza mu ruhande rumwe rw’ijuru ukaboneka ku rundi ruhande, uko ni ko
Umwana w’umuntu azoba ku musi wiwe. Yamara abwirizwa kubanza kubabara menshi n’uguhebwa
n’abantu b’iyi myaka.»Â