Ngaho muri Paruwase Kamenge, inkuka y’imisa yabereyemwo iryo rungikwa mu butumwa yatanguye ku gihe c’isaha zitanu (11h00), irongowe na Patiri Mukuru w’iyo Paruwase, Patiri Philbert Ntahimpera.

Uwo musaserdoti, yisunze ikete Nyenubweranda Papa Leon-XUV yanditse rijanye n’uwo musi mukuru, yambwiye abagize ico gisata muri iyo Paruwase ko mu kumenyesha amakuru bahamagariwe gutanga amakuru y’ukuri n’amashusho meza atuma izina rya Yezu rininahazwa, mu gufata amasanamu ngo bakabanza kuraba ko ayo masanamu atuma Umukama aninahazwa. Aca yongera abatumirira kuzofata akanya, iryo kete bakaryisomera, ngo ni ho boheza bagakora ubutumwa bwabo neza.

Ni muri iyo nkuka y’imisa nyene uwo musaserdoti yaciye arungika mu butumwa abagize ico gisata co kumenyesha amakuru ku rwego rw'iyo Paruwase ya Kamenge, bashasha barikumwe n’abari basanzwe bari muri ico gisata. 

Inkuka y’imisa irangiye, bakaba baciye babandanyiriza uwo musi mukuru mu gatutu, mu nyubakwa y’akarorero y’iyo Paruwase, mu ntumbero yo kwiginana no kwakira icese bashasha mu butumwa.

Twobamenyesha ko mu guhimbaza uwo musi mukuru, abari muri ico gisata bari baravyiteguriye cane, aho ku musi wa gatandatu bari babanje gukora igikorwa c’urukundo, mu bitaro vy’aho bita kwa Buyengero mu kuremesha abarwaye no kubashikiriza ivyo bari bagiye babagemuriye.

Pierre Nduwayezu, Paruwase Kamenge