kuri uyu w’Imana iginekerezo rya 5 Mukakaro 2026 kw’ishure tabariro rya Gishingano ni muri Paruwase yitiriwe Umweranda Guido Maria Conforti yo mu Kamenge, Umugwi w’abaririmbiramana witiriwe Mukiza Mweranda warahimbaje Yubile y'imyaka 50 uwo mugwi umaze utanguye ubutumwa kuri iryo shure rya Gishingano.

Mu nsiguro Patiri Rénovat yahamagariye abari aho kurangwa n’ubwitonzi bakirinda kwigira abanyabwenge ahubwo bakicisha bugufi bivuye ku mutima. Yatumiriye iyo Chorale yariko ihimbaza Yubile y’Imyaka 50 kwama bagenzwa na Mutima Mweranda kanatsinda ngo Umukristu nyawe atangura umusi abanje kuwuragiza Mutima Mweranda.

Yarongeye kandi abibutsa ubutumwa bafise aho yabasavye gukora ubutumwa bwo kuririmba neza bakirinda kamere z’umubiri ahubwo imbere yo kwumva ko ugiye kuririmbira Imana wobanza ukumva ko ugiye gusenga kwanza. Yaciye ababwira ko kurya bambara bagashaza ku mubiri baje kuririmba bokwitwararika no kuza bararirimba bashajije no ku mutima.

Mu mwanya w’amashikanwa iyo Chorale yarashikaniye Imana mu ntumbero yo gusangira na bantahonikora, bongera barashikana n’itabernakuro nshinsha nziza y’akaroruhure aho bayishikirije umusaserdoti w’Umukama.

Inkuka y’imisa irangiye baciye babandaniriza mu nyubakwa y’imisi mikuru mu ntumbero yo kwiginana aho baronse n’akaryo ko kuyaga kahise kuwo mugwi kuva utangura gushika ubu.

Mw’ijambo rya Patiri Renovat yari yaserukiye Patiri mukuru wa Paruwase Kamenge eka nawe yarakeje cane uwo murwi cane kuri Yubile bahimbaje aca abasaba kutabona ko bakwije imyaka myinshi ngo bace basubira inyuma mu butumwa ahubwo ngo borushirizaho kwitanga.

 

Pièrre Nduwayezu, Paruwase Kamenge