Imigwi yahujwe n'urwo rukino ni uwitwa «Chemin du Christ» usanzwe ufasha mu masabamana mu nkuka z’imisa ziherezwa mu rurimi rw’igiswahilin, be n'uwitwa «Louez l’Eternel» ufasha mu nkuka z’imisa ziherezwa mu kirundi

Urukino rw’umupira w’amaguru rwa kivandimwe, ku w'Imana igenekerezo rya 27 Nyakanga 2026 rwarahuje imigwi y’abaririmbiramana irangurira muri Paruwase yitiriwe umweranda Guido Maria Conforti yo mu Kamenge, iyo migwi na yo ikaba ari umugwi «Louez l'Eternel» n’umugwi «chemin du Christ». Hari mu ntumbero yo gukomeza ubumwe, urukundo n'umuvukano hagati yabo.

Urwo rukino rwatanguye ku gihe c'isaha icenda (15h00), ku kibuga c'umupira w'amaguru co mu Mirango citiriwe Urukundo (stade urukundo). Urwo rukino rwaranzwe n’indero, aho bakina bahuza kandi birinda gushamirana kuri ibi na biriya. Rukaba rwarangiye ku ntsinzi y’ibitsindo 6 vy’umugwi «chemin du Christ» kuri 2 vy’umugwi Chorale Louez l'Eternel.

Inyuma y'urwo rukino haciye haba isangiramutima hagati y’iyo migwi uko ari ibiri, ukwo gusangira bikaba vyabandanyirije mu nyubakwa y'akarorero ya Paruwase Kamenge (au carrefour des amis), aho abagize iyo migwi bashoboye kuyaga no gusangira ivy’Imana yabahezagije, bongera batamba batarika mu kwiginana buzuye akanyamuneza.

Delphin Niyonzima, Paruwase Kamenge

Ivyiyumviro

Rondera

Urutonde rw'Imisa