Mu gihe ibikorwa vyari bitunganije nk'uko vyama muri Paruwase Ana Mweranda yo ku Musaga, ku musi wa gatandatu igenekerezo rya 22 Ntwarante, mu mugwi w'abanaguwe muri Mutima-Mweranda bo muri iyo Paruwase harabaye amatora y'Umusuku mushasha muri iyo Paruwase, inyuma y'igisabisho c'imisi icenda c'ukuyitegurira. Ayo matora yari ahagarariwe n'abaserukiye abanaguwe muri Mutima-mweranda ku rwego rwa Diyoseze.
Imbere y'uko abanaguwe muri Mutima-Mweranda bo muri Paruwase Ana Mweranda yo ku Musaga bagira amatora, hari habanje kuba itorwa ry'abanyamuryango batanu bizwe na komite yari ijejwe kuyatunganya. Abo na bo ni Léonidas MUDAHEMUKA, Belyse NDIKUMANA, Madeleine KATABARUMWE, na Gérard NIJIMBERE, na Stève NININAHAZWE.
Umushingantahe LĂ©onidas MUDAHEMUKA akaba ari
we yatowe ku majwi 84 ku bantu 124 batoye, nuko ubutumwa bushasha buba
buratanguye, impundu na yo irasirana.
Bamwe mu babaye ivyabona vy'ivyavuye
muri ayo matora ni Oscar NDIKURIYO yahora arongoye uwo mugwi, ba ba bandi nyene
baserukira umugwi w'abanaguwe muri Mutima-Mweranda ku rwego rwa Diyoseze, ari
bo Emmanuel NKURUNZIZA, Dieudonné NSENGIYUMVA, na Jean Paul RUBERINTWARI.
Amatora aheze, uwaje arongoye abari baje kuyahagararira yarakeje arongera araremesha Umusuku mushasha. Jean Paul RUBERINTWARI yagize ati: «Ubutumwa mushinzwe buraryoshe, ariko kandi kandi buragoye; ni co gituma Mutima-Mweranda azogukomeza, akugire intwari.» Ivyo birori bikaba vyarangijwe n'igisabisho c'ugukengurukira Imana ku vyari bihejeje gukoreka.
Jean Fleury Raoul MUGISHA, Paruwase Musaga
Aleluya, aleluya.
Umukama yavuze ati: «Ewe Toma, wemeye kuko umbonye.
Hahiriwe abazokwemera ata co barinze kubona.»
Aleluya.
Â
Ivyo dusoma mu Nkuru Nziza ya Yezu Kristu nk’uko yashikirijwe na Yohani (20, 19-31)
Imisi umunani iheze, Yezu araza
Ku mugoroba w’uyo musi ari wo mubarwa wa mbere w’indwi, mu nzu yarimwo abigishwa, bari bakinze inzugi ku gutinya Abayuda. Niho rero Yezu yaza, ahagarara hagati muri bo, ababwira ati: «Nimugire amahoro!» Avuze atyo, abereka ibiganza vyiwe n’urubavu rwiwe. Abatumwa ngo babone Umukama, barahimbarwa.
Yongera ababwira ati: «Nimugire amahoro! Kumwe Data yantuma, nanje ni ko
ndabatumye.» Ababwiye ivyo, arabahuha ati : « Nimuronke Mutima Mweranda. Abo
muzorekurira ibicumuro, bazoba babirekuriwe, abo muzobigumizako na bo,
bizobagumako.»
Aho Yezu yaza, Toma, umwe wo muri bamwe Cumi na babiri, ari we bita Didimo,
ntiyari muri bo. Abandi bigishwa bamubwiye bati: «Twabonye Umukama», abishura
ati: «Ntiboneye mu biganza vyiwe intoboro za ya misumari, ngo nshire urutoke mu
ntoboro zayo, n’urushi mu rubavu rwiwe, sinzokwemera.»
Imisi umunani iheze, abigishwa basubira guteranira muri ya nzu, na Toma bari
kumwe. Yezu araza, inzugi zugaye, ahagarara hagati muri bo ati: «Nimugire
amahoro!» Hanyuma abwira Toma ati: «Shira urutoke ngaha: ng’ibi ibiganza vyanje;
zana urushi rwawe kandi urushire mu rubavu rwanje: ureke rero kuba ikigaba, ariko
wemere.»
Toma amwishura ati: «Mukama wanje, Mana yanje!» Yezu na We amwishura ati:
«Ewe Toma, wemeye kuko umbonye: hahiriwe abazokwemera ata co barinze kubona.»
Hari n’ibindi bimenyetso vyinshi bitanditswe muri iki gitabu Yezu yagiriye imbere y’abigishwa biwe. Ivyo rero vyanditswe ngo mwemere ko Yezu ari Kristu Umwana w’Imana, kugira kandi ngo muvyemeye, muronke ubuzima kw’izina ryiwe.
Radio Maria
Eglise Catholique
Radio Vatican
Foyer de Charit