Vikariya >

Buhonga >

Ishure tabariro rishasha ryitwa Kirama-Kazira ryo muri Paruwase Mubimbi ririko rirubakwa

Uwo musenyi bawukura mu ruzi Nzitwe, hakaba hari imidugo mireremire, aho iyo Sikirisare igiye kwubakwa. Aho uwo musenyi bawukuye na ho hari k'ibirometero birenga 7. Patiri Epitas Ngendakuriyo yarashikirije ijambo ry'ubukengurutsi. Yabanje gukengurukira Imana, hanyuma yongera arashimira abitavye ibikorwa ku kuntu batiyumviriye ku mvura y'uku kwezi, canke ngo barabe urugendo bafashe rwabashikanye ku kibira aho iyo sikirisare izubakwa. 

Yaranashimiye n'ababakrist batanze ico kibanza kizokwubakwamwo ingoro y'Imana, maze arabasabira ku Mana ngo ibongerereze umugisha wayo. Yamenyesheje abari aho ko uwushimye aba yongeje, maze aca asaba n'abandi bafise utuvi ngaho ko na bo nyene bogira umutima w'urukundo no kwitanga, kugira ngo batange ikindi kibanze ngo bubake ingoro y'lmana yagutse, kuko habonetse akabanza gato.

Yamenyeshe abari aho ko uwurinze aterera na gatoyi ku kintu kizofasha igihugu c'lmana kuza kuyininahaza, ngo aronka incuro ijana ry'ico yatanze. Yarangije amenyesha abitavye ivyo bikorwa ko badahejeje, ahubwo ko batanguye, ko hanyuma nibasubira kubatumako, bosidukana n'iyonka, kugira ngo bafashe abakristu bo kuri iyo sikirisare, gushika yuzure.

/

Iyo sikirisare igomba kuvuka ni imwe yiyongera ku ma sikirisare 10 agize Paruwase Mubimbi. Ni muri yo ntumbero nyene Patiri ajejwe imihari n'imigwi y'ubutumwa, afadikanije na Patiri mukuru Athanase Nsabimana, be n'abatunganije ibikorwa vyo guseha umusenyi, batumiyemwo abanyamihari n'imirwi bo ku ma sikirisare atatu ari yo kinama, Rugari na Kirama, hamwe n'abarongoye imihari n'imigwi ku rwego rwa Paruwase.

Mu mumugwi umwe

Aleluya, aleluya.

Umukama yavuze ati: «Ewe Toma, wemeye kuko umbonye.

Hahiriwe abazokwemera ata co barinze kubona.»

Aleluya.

 

Ivyo dusoma mu Nkuru Nziza ya Yezu Kristu nk’uko yashikirijwe na Yohani (20, 19-31)

Imisi umunani iheze, Yezu araza

Ku mugoroba w’uyo musi ari wo mubarwa wa mbere w’indwi, mu nzu yarimwo abigishwa, bari bakinze inzugi ku gutinya Abayuda. Niho rero Yezu yaza, ahagarara hagati muri bo, ababwira ati: «Nimugire amahoro!» Avuze atyo, abereka ibiganza vyiwe n’urubavu rwiwe. Abatumwa ngo babone Umukama, barahimbarwa.

Yongera ababwira ati: «Nimugire amahoro! Kumwe Data yantuma, nanje ni ko ndabatumye.» Ababwiye ivyo, arabahuha ati : « Nimuronke Mutima Mweranda. Abo muzorekurira ibicumuro, bazoba babirekuriwe, abo muzobigumizako na bo, bizobagumako.»

Aho Yezu yaza, Toma, umwe wo muri bamwe Cumi na babiri, ari we bita Didimo, ntiyari muri bo. Abandi bigishwa bamubwiye bati: «Twabonye Umukama», abishura ati: «Ntiboneye mu biganza vyiwe intoboro za ya misumari, ngo nshire urutoke mu ntoboro zayo, n’urushi mu rubavu rwiwe, sinzokwemera.»

Imisi umunani iheze, abigishwa basubira guteranira muri ya nzu, na Toma bari kumwe. Yezu araza, inzugi zugaye, ahagarara hagati muri bo ati: «Nimugire amahoro!» Hanyuma abwira Toma ati: «Shira urutoke ngaha: ng’ibi ibiganza vyanje; zana urushi rwawe kandi urushire mu rubavu rwanje: ureke rero kuba ikigaba, ariko wemere.»

Toma amwishura ati: «Mukama wanje, Mana yanje!» Yezu na We amwishura ati: «Ewe Toma, wemeye kuko umbonye: hahiriwe abazokwemera ata co barinze kubona.»

Hari n’ibindi bimenyetso vyinshi bitanditswe muri iki gitabu Yezu yagiriye imbere y’abigishwa biwe. Ivyo rero vyanditswe ngo mwemere ko Yezu ari Kristu Umwana w’Imana, kugira kandi ngo muvyemeye, muronke ubuzima kw’izina ryiwe.