Inyigisho mu kwezi kwahariwe ukumenyesha Inkuru Nziza muri Paruwase Kinindo

Inyigisho ijanye n'ukwezi kwo kumenyesha Inkuru Nziza muri Paruwase Regina Pacis yo mu Kinindo

...................................

Noba ndarwiciriye ntamenyesheje inkuru nziza. Ivyo vyashikirijwe na Patiri Salvator NGENDABANYIKWA  umuyobozi w'ibikorwa  ndemesha butumwa vya Papa muburundi .

Izo nyigisho zikaba zabereye kuri Paruwase  Regina Pacis yo mu Kinindo kuri uyu wakabiri itariki 15 gitugutu inyuma y'iminsa yo ku mugoroba aho Patiri Mukuru w'iyo Paruwase NINDORERA Agapit yakiriye Patiri Salvator NGENDABANYIKWA.

Muri iryo kete Patiri Salvator aributsa uruhara rw'umwumwe wese mu kumenyera inkuru nziza.Arabandanya ashimika ko uwabatijwe wese ico akora cose yiga bike canke yiga vyinshi ni intumwa si umurorerezi. Aho yongera agashimira abalayike ukungene batera intambwe mu gushigikira ubutumwa n'ibikorwa muri Ekleziya canke mu madiyoseze bavukamwo. Patiri NGENDABANYIKWA aravuga ko ukumenyesha inkuru nziza atari umurimo mwitumo ari umugambi ntabanduka kandi ntubahirizwa wa Mana Data wo guhunda abantu bose urukundo rwayo,uwo mugambi wa Mana Data waserutse ubwa mbere mw'iremwa ry'ibintu vyose kandi ukibonekeza muri Yezu kristu umwana wayo w'ikinege na Mutima mweranda.

Twomenyesha ko muri yo nyigisho y'umuyobozi ndemeshabutumwa vy'ibikorwa vya Papa mu Burundi muri ryo kete yerekana:

- imvo n'imvano y'ubutumwa bwo gukwiza inkuru nziza n'abajejwe gukora ico gikorwa 

- ico Ekleziya isabwe mu kumenyesha inkuru nziza

-irerekana kandi ubutumwa bwa Papa n'akarangamutima ,ikibanza c'ibikorwa vya Papa muri Ekleziya

-  uburyo bwo kwinjiza umutima wo kumenyesha inkuru nziza mu bakatolika bose kuva bakiri bato nk'imikangara,

- uburyo bwo kwegeranya amashikanwa agenewe amadiyoseze ku rugero rw'ivyo imwe imwe yose ikeneye;

_ Igikorwa ca Papa citiriwe  Petero Mweranda umutumwa;

-Igikorwa ca Papa c'urunani rw'abaseserdotin'abihebeye Imana bamenyesha inkuru nziza ;

- Indinganizo vya Papa;

-Umurwi wa Diyoseze wo kuremesha ubutumwa bwo gukwiza hose inkuru nziza

- Paruwase imwe imwe n'akaranga kayo

Mu gusozera muri ryo kete Patiri Salvator NGENDABANYIKWA arahamagarira umukristu wese gutegera ibikorwa vya Papa nkuko nawe ahimiriza Ekleziya gusohoka igasanga abantu Aho bari bakamenyesha inkuru nziza ko kandi ibikorwa vya Papa bifise ikibanza ntasubiririrwa.

Twobamenyesha kandi ko izo nyigisho zari zitabwe n'abakristu batari bake.

Joyce Guillaine Imanishimwe,Paruwase Regina yo mukinindo

Mu mumugwi umwe

Aleluya, aleluya.

Umutima wanje uriteze Umukama,

ijambo ryiwe ni ryo nizeye.

Aleluya.

Ivyo dusoma mu Nkuru nziza ya Yezu Kristu nk’uko yashikirijwe na Luka (11, 6-13)

Muri irya misi, Yezu yabariye abigishwa biwe ati: «Ni nde muri mwebwe afise umugenzi, agiye iwe mw’ijoro, akamubwira ati: Mugenzi, ngurana imikate itatu, kuko iwanje ndariwe n’umugenzi avuye ku nzira, ntagira ico ndamuzimana. Na we uwo ari mu nzu akamwishura ati: Nta co unyigorera, namaze kwugarira kandi twe n’abana turi mu buriri, sinshoboye kuvyuka ngo ndaguhe . Nyene kurarirwa yoshishikara gukomanga; ndababwiye: n’aho atovyuka ngo amuhe kuko ari umukunzi, yovyuka akamuha ivyo akeneye vyose, kuko ariko aramugora.

Nanje ndababariye: Nimusabe, muzoronka; nimurondere muzohambwa; nimwuguruze, muzokwugururirwa. Kuko uwusaba aronka, uwurondeye araronka, na we uwuguruje arugurunrwa. Muri mwebwe, hari umuvyeyi umwana yosaba umukate akamuha ibuye? Yamusaba ifi akamuha inzoka? Yamusaba irigi akamuha akamina? None, ko mwebwe, n’aho muri babi, muzi guha abana banyu ivyiza, So wanyu wo mw’ijuru we yonganya na nde mu guha Mutima Mweranda abamumusaba?»