Ku musi w'Imana igenekerezo rya 14 Munyonyo 2021, muri Paruwase Ruziba,haravutse ku mugaragaro umubano mushasha witiriwe «Bernadeta Mweranda», uwo musi ukaba wasozera imisi myinshi bari bamaze bitegurira mu mihana iwabo.Inkuka ya misa ivyo birori vyabereyemwo ikaba yari irongowe na Pierre Claver GACUMU,Patiri mukuru w'iyo Paruwase

Abakristu bagize uwo mubano mushasha bakaba bashimye kuwitirira  «Bernadeta Mweranda» ari nawe batoye ngo azobabere umuvunyi. Uwo mweranda nawe akaba  yaranzwe no gufasha abagowe, kuraba abageze mu za bukuru no kuraba impfuvyi akabafasha nk’uko twabiyagiwe na Médiatrice Kankindi umwe mu bagize uwo mubano.

Mw’ijambo ryiwe, inyuma y’insiguro y’ijambo ry’Imana ry’uwo munsi yashikirije abakristu Pierre Claver Gacumu Patiri mukuru wa Paruwase Ruziba ari nawe yari arongoye inkuka ya misa uwo mubano wakiriwemwo, yarashimye ukuntu witunganije mu kwegeranya abakristu bavuye muma paruwase atandukanye baje kugerera muri Karitiye nshasha ya Nyabugete ya kane.

Uwo musaserdoti yabandanije abasaba kubandanya bisunga ingendo y’uwo muvunyi wabo agira ati «Ndizeye ko muzobishobora kuko ubuja gusha buratagata kandi uwuja gutamba neza umubona agikenyera Â». Aca arereka abari mu ngoro y’Imana abawurongoye n’abagize uwo mubano bari aho bose, agirako abasabira imihezagiro.

Twobamenyesha ko kwemererwa ku mugaragaro ari uburyo bwo gushigikira Ekleziya ihera mu miryango iwabo.Twobamenyesha kandi ko uwo muvunyi «Bernadeta Mweranda» asanzwe ahimbazwa uko uko umwaka utashe kw'igenekerezo ry'indwi z’ukwezi kwa mbere.

Emmanuel Harimeshi, Paruwase Ruziba